విభజన సమస్యలు, పరిష్కారాలపై జేఎఫ్ సీ పేరుతో రంగంలోకి దిగిన జనసేన ఈ అంశంలో యువతను ఉత్తేజపరచడానికి వినూత్న ప్రయత్నం చేస్తోంది. ప్రత్యేక హోదా, ఆంధ్రుల హక్కు అనే నినాదంతో ముద్రించిన టీ షర్ట్స్ ను సిద్ధం చేస్తోంది. ఈ టీ షర్ట్స్, క్యాప్స్ ను రాష్ట్రంలోని పలు కాలేజీల్లో చదువుతున్న విద్యార్థులకు అందజేయనుంది. అంతేకాకుండా.. భగత్ సింగ్ స్టూడెంట్స్ యూనియన్ ఆధ్వర్యంలో ప్రత్యేక ఉద్యమానికి ప్రణాళికలు కూడా రచిస్తోంది. ఇటు శతఘ్ని టీమ్ తో డిజిటల్ ఉద్యమానికి శ్రీకారం చుట్టింది.