హైదరాబాద్లో మరోసారి భారీ హవాలా రాకెట్ గుట్టు రట్టయ్యింది. బడా వ్యాపారులకు.. హవాలా రూపంలో డబ్బు సమకూరుస్తున్న హవాలా వ్యాపారి పటేల్ నుంచి పోలీసులు కోటి 40 లక్షలు స్వాధీనం చేసుకున్నారు. ఈ వాహలా రాకెట్కు సంబంధించి అబిడ్స్, బంజారాహిల్స్ ప్రాంతాల్లో ఐటీ అధికారుల సాయంతో పోలీసులు సోదాలు నిర్వహిస్తున్నారు. గుజరాత్కు చెందిన పటేల్ తన వాహలా రాకెట్ ద్వారా బడా వ్యాపారులకు పెద్దమొత్తంలో డబ్బు సమకూరుస్తున్నట్టు పోలీసులు భావిస్తున్నారు. అతన్ని అదుపులోకి తీసుకొని విచారిస్తున్నారు. ఈ హవాలా బిజినెస్ వెనుక ఇంకా ఎవరెవరు ఉన్నారన్న విషయాలను బయటకు లాగుతున్నారు.