Ameerpet Metro Station: అమీర్‌పేట మెట్రో స్టేషన్ పై నుండి దూకి యువతి ఆత్మహత్యాయత్నం

Hyderabad: హైదరాబాద్ అమీర్‌పేట మెట్రో స్టేషన్‌ వద్ద శుక్రవారం యువతి ఆత్మహత్యాయత్నం కలకలం రేపింది. శుక్రవారం రాత్రి 8 గంటల సమయంలో అమీర్‌పేట మెట్రో స్టేషన్​ రెండో అంతస్తు నుంచి హీనా (20) అనే యువతి కిందకు దూకి ఆత్మహత్యకు యత్నించింది. దీంతో అమీర్‌పేట మెట్రో స్టేషన్‌ పక్కనే ఉన్న టింబర్​ డిపోలో పడిపోయిన ఆమెని చూసిన మెట్రో సిబ్బంది వెంటనే అలెర్ట్ అయి దగ్గరలోని ఆసుపత్రికి తరలించారు.

ప్రస్తుతం యువతి పరిస్థితి విషమంగా ఉన్నట్లు సమాచారం. ఈ ఘటనపై సమాచారం అందుకున్న పోలీసులు యువతి ప్రస్తుతం బీటెక్ చదువుతూ అమీర్‌పేటలోని ఒక హాస్టల్ లో ఉంటున్నట్లుగా గుర్తించారు. అయితే యువతి ఆత్మహత్యకి యత్నించడానికి గల కారణాలు ఇంకా తెలియాల్సి ఉంది.