Heavy Rains: తెలంగాణలో భారీ వర్షాలు.. 8 జిల్లాలకు రెడ్ అలర్ట్

Heavy Rains: తెలంగాణ రాష్ట్ర వ్యాప్తంగా విస్తారంగా వర్షాలు కురుస్తున్నాయి. హైదరాబాద్ పాటు పలు జిల్లాలకు వాతావరణ శాఖ ఇప్పటికే రెడ్ అలర్ట్ జారీ చేసింది. మరో మూడ్రోజుల పాటు భారీ నుంచి అతి భారీ వర్షాలు కురిసే అవకాశం ఉందని వాతావరణ శాఖ హెచ్చరికలు జారీ చేసింది. రాష్ట్రంలో ఎడతెరిపి లేకుండా కురుస్తోన్న భారీ వర్షాల దాటికి అన్ని విద్యాసంస్థలకు తెలంగాణ సర్కార్ నేడు, రేపు సెలవులు ప్రకటించింది. దీంతో ఓయూ పరిధిలో జరగాల్సిన అన్ని పరీక్షలు వాయిదా పడ్డాయి. భారీ వర్షాల నేపథ్యంలో ఇవాళ, రేపు జరగాల్సిన పరీక్షలను వాయిదా వేసినట్లు వర్సిటీ అధికారులు ప్రకటించారు.