ఒకరికి వర్కవుట్ అయ్యే విషయాలు మరొకరికి కలిసి రాకపోవచ్చు. అచ్చంగా ఇలాగే.. అబ్బాయ్ ఎన్టీఆర్కి కలిసొచ్చిన ఓ విషయం.. బాబాయ్ బాలకృష్ణకి అంతగా కలిసి రాలేదు. అదేమిటంటే.. విడుదల తేది. గతేడాది తారక్ హీరోగా వచ్చిన 'జనతా గ్యారేజ్' సెప్టెంబర్ 1న రిలీజైంది. మొదట ఈ సినిమాకి మిశ్రమ స్పందన వచ్చినప్పటికీ.. ఆఖరికి బ్లాక్బస్టర్ చిత్రాల జాబితాలోకి చేరింది. కట్ చేస్తే.. మళ్లీ అదే సెప్టెంబర్ 1న ఈ సంవత్సరం బాలకృష్ణ నటించిన 'పైసా వసూల్' సినిమా రిలీజైంది. ఈ సినిమాకి కూడా డివైడ్ టాక్ వచ్చింది. అయితే 'జనతా గ్యారేజ్'లా బాక్సాఫీస్ వద్ద మ్యాజిక్ చేయలేకపోయింది. సరి కదా.. ఫ్లాప్ చిత్రాల జాబితాలోకి చేరింది. మొత్తానికి తారక్కి ఓకే అనిపించుకున్న తేది.. బాలయ్యకి నాట్ ఓకే అయిందన్నమాట.