'పటాస్', 'సుప్రీమ్' చిత్రాలతో బ్యాక్ టు బ్యాక్ విజయాలను అందుకున్న దర్శకుడు అనిల్ రావిపూడి. ప్రస్తుతం రవితేజతో 'రాజా ది గ్రేట్ 'చేస్తున్నాడాయన. మెహరీన్ కథానాయికగా నటిస్తున్న ఈ చిత్రంలో సాయిధరమ్ తేజ్, రాశి ఖన్నా ఓ పాటలో తళుక్కున మెరవనున్నారు. దిల్ రాజు నిర్మిస్తున్న ఈ చిత్రానికి సాయికార్తీక్ సంగీతమందిస్తున్నారు.
ఇదిలా ఉంటే.. ఈ చిత్రం టైటిల్ ట్రాక్ని సోమవారం (సెప్టెంబర్ 18) సాయంత్రం 6 గం||కి విడుదల చేయనున్నారు. దీపావళి కానుకగా అక్టోబర్ 12న ఈ సినిమాని ప్రేక్షకుల ముందుకు తీసుకురానున్నారు. 'బెంగాల్ టైగర్' తరువాత దాదాపు రెండేళ్ల విరామంతో రవితేజ హీరోగా వస్తున్న సినిమా కావడంతో.. ఈ సినిమాపై మంచి అంచనాలే ఉన్నాయి.