ఇక కాజల్ పని అయిపోందనుకుంటున్న టైంలో.. 'ఖైదీ నెం.150', 'నేనే రాజు నేనే మంత్రి' చిత్రాలతో వరుస విజయాలను సొంతం చేసుకుంది అందాల తార కాజల్ అగర్వాల్. ప్రస్తుతం.. తెలుగులో తన తొలి కథానాయకుడైన కళ్యాణ్ రామ్తో కలిసి 'ఎమ్మెల్యే' చిత్రంలో నటిస్తోందీ అమ్మడు. అలాగే తమిళంలో 'క్వీన్' రీమేక్ లోనూ నటిస్తోంది.
ఇదిలా ఉంటే.. రవితేజ హీరోగా శ్రీనువైట్ల రూపొందించనున్న కొత్త చిత్రంలోనూ కాజల్ హీరోయిన్గా నటించే అవకాశముందని వార్తలు వినిపిస్తున్నాయి. రవితేజ, కాజల్ కాంబినేషన్లో గతంలో 'వీర', 'సారొచ్చారు' చిత్రాలొచ్చాయి. ఆ సినిమాలు ఆశించిన విజయం సాధించలేదు. మరి కొత్త చిత్రంతోనైనా ఈ జోడీ హిట్ కొడుతుందేమో చూడాలి. ఇప్పటికే ఎన్టీఆర్, రామ్చరణ్, తమిళ కథానాయకుడు విజయ్తో మూడు సార్లు హీరోయిన్గా నటించిన వైనం కాజల్ సొంతం. మరి ఆ లిస్ట్లో రవితేజ కూడా చేరుతాడో లేదో చూడాలి.