Holiday After Maha Shivaratri 2026: ఏపీ ప్రభుత్వ ఉద్యోగులకు గుడ్ న్యూస్.. ఫిబ్రవరి 16న ఆప్షనల్ హాలిడే.. ఉత్తర్వులు జారీ!

Holiday After Maha Shivaratri 2026: ఆంధ్రప్రదేశ్ రాష్ట్ర ప్రభుత్వ ఉద్యోగులకు ప్రభుత్వం తీపి కబురు అందించింది. మహాశివరాత్రి పర్వదినం మరుసటి రోజున, అంటే ఈ నెల 16వ తేదీన (సోమవారం) 'ఆప్షనల్ హాలిడే' (ఐచ్ఛిక సెలవు)గా ప్రకటిస్తూ రాష్ట్ర ప్రభుత్వం అధికారికంగా ఉత్తర్వులు జారీ చేసింది.

ఉద్యోగ సంఘాల విన్నపంతో సానుకూల నిర్ణయం:

మహాశివరాత్రి జాగరణ అనంతరం మరుసటి రోజున సెలవు కావాలని ఏపీజేఏసీ (APJAC) అమరావతి ఉద్యోగ సంఘం నేతలు ప్రభుత్వానికి విన్నవించారు. ఉద్యోగుల విన్నపాన్ని పరిశీలించిన ప్రభుత్వం, సోమవారాన్ని ఆప్షనల్ హాలిడేగా పరిగణించాలని నిర్ణయించింది. ఈ మేరకు రాష్ట్ర ప్రభుత్వ ప్రధాన కార్యదర్శి (CS)  విజయానంద్ ఉత్తర్వులపై సంతకం చేసి నోటిఫికేషన్ విడుదల చేశారు.

ముఖ్యమంత్రికి ధన్యవాదాలు:

ప్రభుత్వం తీసుకున్న ఈ నిర్ణయంపై ఏపీజేఏసీ అమరావతి నేతలు హర్షం వ్యక్తం చేశారు. ఉద్యోగుల సమస్యను అర్థం చేసుకుని తక్షణమే స్పందించిన ముఖ్యమంత్రి నారా చంద్రబాబు నాయుడుకు ఏపీజేఏసీ అమరావతి చైర్మన్ బొప్పరాజు వెంకటేశ్వర్లు ప్రత్యేక ధన్యవాదాలు తెలిపారు.

ఈ సెలవుతో శివరాత్రి పండుగ నిర్వహించుకునే ఉద్యోగులకు తగినంత విశ్రాంతి లభిస్తుందని వారు పేర్కొన్నారు.