Anil ravipudi with Balakrishna : త్వరలో సెట్స్ పైకి రామారావుగారు?

Anil ravipudi with Balakrishna : కందిరీగ, మసాలా, ఆగడు సినిమాలకి మాటల రచయితగా పనిచేసి పటాస్ సినిమా ద్వారా ఇండస్ట్రీకి దర్శకుడిగా పరిచయం అయ్యాడు అనిల్ రావిపూడి..నందమూరి కళ్యాణ్ రామ్ ఈ సినిమాకి హీరో కం ప్రొడ్యూసర్ గా వ్యవహరించారు. చేసిన మొదటి సినిమాతోనే మంచి సక్సెస్ కొట్టిన అనిల్ రావిపూడి ఆ తర్వాత సుప్రీమ్ , రాజా ది గ్రేట్ సినిమాలతో హైట్రిక్ కొట్టాడు. ఈ సినిమాలు మంచి విజయాన్ని సాధించడంతో అనిల్ కి సూపర్ స్టార్ మహేష్ బాబుని డైరెక్ట్ చేసే ఛాన్స్ వచ్చింది. తాజాగా ఈ ఏడాది మహేష్ బాబుతో సరిలేరు నీకెవ్వరు సినిమాతో భారీ హిట్ కొట్టి టాలీవుడ్ టాప్ డైరెక్టర్ లలో ఒకరిగా నిలిచారు అనిల్..

అయితే ఎప్పటినుంచో హీరో బాలకృష్ణతో సినిమా చేసేందుకు తహతహలాడుతున్నాడు అనిల్ రావిపూడి.. పటాస్‌ తరువాత నుంచే ఈ ప్రయత్నాలు చేస్తున్నాడు.. అయితే ఇప్పుడు బాలయ్యతో సినిమా ఒకే అయిందని తెలుస్తోంది. బాల‌య్య కోసం ఎప్పుడో రామారావుగారు అనే క‌థ సిద్దం చేశాడట అనిల్ రావిపూడి.. కానీ గత కొద్ది సంవత్సరాలుగా వాయిదా పడుతూ వస్తున్న ఈ సినిమా త్వరలో సెట్స్ పైకి వెళ్లనుందని సమాచారం.. ఇక ఈ సినిమాని కూడా ప్రముఖ నిర్మాణ సంస్థ శ్రీ వెంకటేశ్వర క్రియేషన్స్ పై నిర్మాత దిల్ రాజు తెరకెక్కిస్తున్నారని తెలుస్తోంది. దీనిపైన త్వరలో ఆఫీషియల్ అనౌన్స్ రానుంది.

ఇక ప్రస్తుతం బాలయ్య బోయపాటి శ్రీను దర్శకత్వంలో ఓ సినిమాని చేస్తున్నారు. దాదాపుగా 70 శాతం ఈ సినిమా షూటింగ్ ముగిసింది. బాలకృష్ణ పుట్టిన రోజు సందర్భంగా విడుదల చేసిన స్పెషల్ వీడియో సినిమా పైన మంచి అంచనాలని పెంచేసింది. ఈ సినిమాలో బాలయ్య సరసన అంజలి హీరోయిన్ గా నటిస్తోంది. ఈ సినిమాని ద్వారక క్రియేషన్స్ పతాకంపై మిర్యాల రవీందర్ రెడ్డి నిర్మిస్తుండగా, తమన్‌ సంగీతమందిస్తున్నాడు. ఇక బాలకృష్ణ బోయపాటి కాంబినేషన్ లో వస్తున్న మూడవ చిత్రం కావడంతో భారీ అంచనాలు నెలకొన్నాయి. సినిమాని దసరా కానుకగా విడుదల చేయాలని చిత్రబృందం భావిస్తున్నట్టు సమాచారం.