టాలీవుడ్‌లో వరుస అవకాశాలతో దూసుకుపోతున్న హీరోయిన్ రాశి ఖన్నా.. ఆమె ఇటీవల ఓ ఇండియన్ క్రికెటర్‌తో ప్రేమలో పడినట్లు సోషల్ మీడియాలో వార్తలు తెగ హల్‌చల్ చేశాయి. మొదట్లో ఈ రూమర్లపై పెద్దగా పట్టించుకోని రాశి.. వాటిపై క్లారిటీ ఇచ్చేసింది. 'నేను లవ్‌లో పడ్డాను అన్న ఆ క్రికెట‌ర్ గురించి నాకు అసలు తెలియదు. ఎన్టీఆర్, రవితేజ తప్ప నేను చేసిన అందరూ హీరోలతోనూ ఎఫైర్లు ఉన్నాయంటున్నారు. నాకు హిట్ సినిమా ఇచ్చిన టాలీవుడ్‌లోని ఓ దర్శకుడితో ఏవేవో సంబంధాలు అంటగట్టారు. ఇవన్నీ అవాస్తవాలే! అసలు ఇలాంటి వార్తలు ఎలా రాస్తారో కూడా నాకు తెలియదు. అయినా ఒక అమ్మాయి అంత మందితో ఎలా లవ్ లో పడుతుంది' అని అనుకుంటున్నారని క్లాస్ పీకింది. ఈ క్రమంలో తనకు తన తోటి నటినటులతో స్నేహపూర్వకంగా ఉండే ఎఫైర్లు మాత్రమే ఉంటాయని స్పష్టం చేశారు. ఆమె క్లారిటీతో ఈ వార్తలకు ఫులుస్టాప్ పడింది.