పెట్రోల్, డీజిల్ ధరలు కొన్ని రోజులుగా పైపైకి దూసుకుపోతున్నాయి. అయితే, గురువారం పెట్రోల్ ధరలు దిగివచ్చాయి. బుధవారం తో పోలిస్తే గురువారం పెట్రోల్ ధర 11 పైసలు తగ్గింది.దీంతో హైదరాబాద్ లో పెట్రోల్ ధర 79.14 రూపాయలకు దిగింది. ఇక డీజిల్ ధర 7 పైసలు తగ్గడంతో 73.44 రూపాయలైంది. అదేవిధంగా అమరావతిలో పెట్రోల్ ధర 10 పైసలు తగ్గి 78.80 రూపాయలు గానూ, డీజిల్ ధర 7 పైసలు తగ్గడంతో 72.76 రూపాయలకు చేరింది. విజయవాడలోనూ పెట్రోల్ ధర 11 పైసలు తగ్గింది. దీంతో 78.43 రూపాయలకు చేరింది. ఇక డీజిల్ ధర కూడా 7 పైసలు తగ్గడంతో 72.42రూపాయలకు చేరుకుంది. దేశవ్యాప్తంగా అన్ని ప్రధాన పట్టణాల్లోనూ పెట్రోల్ ధరలు తగ్గాయి. పెట్రోల్ పై 10 పైసలు, డీజిల్ పై 7 పైసలు ధర తగ్గడంతో ముంబయిలో పెట్రోల్ ధర 80.11 రూపాయలు, డీజిల్ 70.69 రూపాయలు గానూ, ఢిల్లీలో పెట్రోల్ పై 10 పైసలు, డీజిల్ పై 6 పైసలు ధర తగ్గడంతో పెట్రోల్ ధర 74.51 రూపాయలుగానూ, డీజిల్ ధర 67.43 రూపాయలుగానూ ఉంది.