ఐదు పైసలకే ఫుల్ మీల్స్.. బంపర్ ఆఫర్ కు భారీ రెస్పాన్స్..!
Full Meals for 5 Paisa: విజయవాడలో 5 పైసలకే ఫుల్ మీల్స్ ఇస్తామని ఓ వ్యాపారి ప్రకటన ఇచ్చారు.
Full Meals for 5 Paisa: విజయవాడలో 5 పైసలకే ఫుల్ మీల్స్ ఇస్తామని ఓ వ్యాపారి ప్రకటన ఇచ్చారు. హోటల్ ప్రమోషన్ కోసం సోషల్ మీడియాలో ప్రకటన చూసిన జనం క్యూ కట్టారు. రూ.400 విలువ గల తాలీ 5 పైసలకే ఇస్తామని ప్రకటించారు. దీంతో హోటల్లోకి జనాలు పరుగులు పెట్టారు. ఐదు పైసల కాయిన్స్తో హోటల్ బయట పడిగాపులు గాశారు. 1100లకు పైగా ఐదు పైసల కాయిన్స్ వచ్చాయని హోటల్ యజమాని చెప్పారు. అయితే మొదటి 50 మందికి మాత్రమే ఉచిత తాలీ ఇస్తామని చెప్పారు.. క్రౌడ్ పెరిపోవడంతో యాజమాన్యం చేతులెత్తేసింది. మిగిలిన వారికి సగం రేటుకే మీల్స్ పెట్టారు. కేవలం తమ హోటల్ పబ్లిసిటీ కోసమే ఈ కాన్సెప్ట్ రూపొందించామని, ఒక్కరోజు మాత్రమే ఈ ఆఫర్ ప్రకటించామని హోటల్ యజమాని చెప్పారు.