Bihar: వంతెన పిల్లర్ మధ్యలో చిక్కుకున్న 12 ఏళ్ల చిన్నారి

Bihar: బీహార్‌లోని రోహతాస్ జిల్లాలో ఓ విచిత్రమైన సంఘటన జరిగింది. వంతెన పిల్లర్ మధ్యలో 12 ఏళ్ల చిన్నారి లోతుగా చిక్కుకుపోయింది. చిన్నారిని రక్షించేందుకు గత 16 గంటలుగా ప్రయత్నాలు జరుగుతున్నా చిన్నారిని రక్షించలేకపోయారు. అంతకుముందు చిన్నారి ఏడుపు శబ్ధం కూడా వచ్చేదని చెబుతున్నారు. కానీ ఇప్పుడు సౌండ్ రావడం ఆగిపోయింది. బ్రిడ్జి దగ్గర బాధితురాలి కుటుంబంతో సహా పెద్ద సంఖ్యలో జనం ఉన్నారు. అదే సమయంలో, పోలీసులు రెస్క్యూ టీమ్‌తో కలిసి చిన్నారిని బయటకు తీయడానికి సహాయక చర్యలు కొనసాగిస్తున్నారు.