కజకస్తాన్ లో భారీ పేలుడు (ట్విట్టర్ ఫోటో)
Kazakhstan: కజకస్తాన్ లో భారీ పేలుడు సంభవించింది. దక్షిణ కజకస్తాన్ మిలటరీ బేస్ లోని ఆయుధ డిపోలో హటాత్తుగా పేలుడు జరిగి 9 మంది మరణించారు. 80 మందికి తీవ్రగాయాలయ్యాయి. ప్రమాదానికి కారణం తెలియ రాలేదు. బేజాక్ జిల్లాలోని తరజ్ పట్టణ శివార్లలో ఉన్న మిలటరీ బేస్ లో ఈ ప్రమాదం జరిగింది. పేలుడు పదార్ధాలను నిల్వవుంచే గొడౌన్ గా ప్రాంతాన్ని వినియోగిస్తున్నారు. అయితే పేలుడు ఎందుకు జరిగిందన్నది మాత్రం తెలియరాలేదు. పేలుడు జరిగిన వెంటనే ఆప్రాంతానికి దారి తీసే రహదారులను మూసేశారు..ఆ చుట్టుపక్కల ఉన్న 1200మందిని సురక్షిత ప్రాంతాలకు తరలించారు.