నెల్లూరు జిల్లా కొడవలూరి మండలంలోని రాచర్లపాడు వద్ద జాతీయ రహదారిపై జరిగిన రోడ్డు ప్రమాదంలో బుల్లితెర నటుడు నన్నం సునీల్ మృతి చెందాడు. ఆదివారం అర్ధరాత్రి ఈ ఘటన జరిగింది. పలు టీవీ సీరియళ్లు, సినిమాల్లో నటిస్తున్న సునీల్ ఆదివారం హైదరాబాద్ నుంచి స్వగ్రామానికి బయలుదేరాడు. రాచర్లపాడు వద్దకు రాగానే గుర్తు తెలియని వాహనం వీరు ప్రయాణిస్తున్న కారును ఢీకొట్టి వెళ్లిపోయింది. దీంతో సునీల్ అక్కడికక్కడే మృతి చెందగా, ఆయనతో పాటు కారులో వస్తున్న సల్లావుద్దీన్ అనే వ్యక్తి కోమాలోకి వెళ్లాడు. కేసును నమోదు చేసుకున్న పోలీసులు దర్యాప్తును ప్రారంభించారు.