Anasuya: శివాజీపై అనసూయ సెటైరికల్ పంచ్..ఏంటమ్మా చూసుకోవాలి కదా అంటూ పోస్ట్

Shivaji vs Anasuya: టాలీవుడ్‌లో గత కొన్ని రోజులుగా సద్దుమణిగిందనుకున్న శివాజీ Vs అనసూయ వస్త్రధారణ వివాదం మళ్లీ తెరపైకి వచ్చింది. ఒక చిన్న వీడియో పోస్ట్.. దానిపై ఒక వార్తా సంస్థ పెట్టిన క్యాప్షన్.. దానికి అనసూయ ఇచ్చిన ఘాటు స్పందన ఇప్పుడు సోషల్ మీడియాలో సెన్సేషన్ క్రియేట్ చేస్తున్నాయి.

అసలు ఏం జరిగింది?

ఇటీవల ఒక ఈవెంట్‌లో నటుడు శివాజీ మహిళల వస్త్రధారణపై చేసిన వ్యాఖ్యలు తీవ్ర దుమారం రేపిన సంగతి తెలిసిందే. "నిండుగా బట్టలు వేసుకుంటేనే గౌరవం ఉంటుందని, పొట్టి బట్టలు వేసుకుంటే లోపల అసహ్యించుకుంటారని" ఆయన చేసిన కామెంట్స్ అనసూయకు అస్సలు నచ్చలేదు. "ఎవరు ఎలాంటి బట్టలు వేసుకోవాలనేది వారి ఇష్టం.. మగవారి చూపు మారాలి కానీ ఆడవారి బట్టలు కాదు" అంటూ ఆమె అప్పట్లోనే గట్టిగా బదులిచ్చారు.

చీర కడితే శివాజీ భయమేనా?

తాజాగా అనసూయ తన భర్తతో కలిసి పట్టుచీర కట్టుకుని ఒక వీడియో పోస్ట్ చేశారు. దీనిపై ఒక మీడియా ఛానల్ స్పందిస్తూ.. "శివాజీ దెబ్బతో పట్టుచీరలో తిరుగుతున్న అనసూయ" అంటూ ఒక పోస్ట్ పెట్టింది. అంటే, శివాజీ విమర్శలకు భయపడే అనసూయ పద్ధతిగా చీర కట్టుకున్నారనే అర్థం వచ్చేలా ఆ హెడ్డింగ్ ఉంది.

అనసూయ 'పంచ్' అదిరింది

ఈ పోస్ట్‌పై అనసూయ తనదైన శైలిలో వ్యంగ్యంగా స్పందించారు. "తప్పు తప్పు.. శివాజీ సృష్టించిన చీర అనే వస్త్రాన్ని ధరించి తిరుగుతున్న అనసూయ అని కదా హెడ్డింగ్ ఉండాలి. ఎందుకంటే అంతకుముందు మేమంతా అసలు చీరలే కట్టుకోలేదు. ఏంటమ్మా.. చూసుకోవాలి కదా పోస్ట్ చేసేముందు" అంటూ ఎద్దేవా చేశారు. అంటే, తను చీర కట్టుకోవడం అనేది శివాజీ చెప్పడం వల్ల జరిగింది కాదని, చీర అనేది ఆయన కనిపెట్టిన వస్త్రం కాదని ఆమె సెటైరికల్‌గా స్పష్టం చేశారు. ఈ ట్వీట్‌తో ఆమె మరోసారి తనపై వచ్చే విమర్శలను తిప్పికొట్టారు.

నెటిజన్లకు ఛాన్స్ ఇవ్వలేదు

అయితే ఈ పోస్ట్‌కు అనసూయ కామెంట్ సెక్షన్‌ను డిసేబుల్ చేశారు. దీంతో నెటిజన్లు తమ అభిప్రాయాలను పంచుకునే అవకాశం లేకపోయింది. అయినప్పటికీ, ఈ స్క్రీన్ షాట్లు ఇప్పుడు నెట్టింట వైరల్ అవుతున్నాయి. దీంతో గత వారం రోజులుగా సైలెంట్‌గా ఉన్న శివాజీ కామెంట్స్ ఇష్యూ మళ్లీ హాట్ టాపిక్‌గా మారింది. మొత్తానికి, అనసూయ ఇచ్చిన ఈ చీర కౌంటర్ సోషల్ మీడియాలో పెద్ద చర్చకే దారితీస్తోంది. వస్త్రధారణ విషయంలో అనసూయ తన వైఖరిని ఎంత స్ట్రాంగ్‌గా వినిపిస్తారో ఈ సంఘటన మరోసారి నిరూపించింది.