Nagarjuna Sagar: నాగార్జునసాగర్ ప్రాజెక్ట్‌.. 22గేట్లు ద్వారా నీరు దిగువకు విడుదల

Nagarjuna Sagar: నాగార్జునసాగర్‌ ప్రాజెక్టుకు భారీగా వరద పోటెత్తింది. ఎగువ నుంచి 4.43 లక్షల క్యూసెక్కుల వరద వస్తున్నది. దీంతో అధికారులు 22 గేట్లను ఎత్తి 4 లక్షలకు పైగా క్యూసెక్కుల నీటిని దిగువకు విడుదల చేస్తున్నారు. సాగర్‌ పూర్తిస్థాయి నీటిమట్టం 590 అడుగులు కాగా ప్రస్తుతం 589.50 అడుగుల వద్ద నీటిమట్టం ఉన్నది. ప్రాజెక్టు పూర్తిస్థాయి నీటిమట్టం 312.04 టీఎంసీలు కాగా.. ప్రస్తుతం 310.55 టీఎంసీల నీరు నిల్వ ఉంది. ఇక కుడి, ఎడమ విద్యుత్‌ కేంద్రాల్లో విద్యుదుత్పత్తి కొనసాగుతున్నది.