Harish Rao: రేవంత్ వద్ద సరుకు లేదు... లీకులతో కాలం గడుపుతున్నారు

Harish Rao: అబద్ధాల్లో బీజేపీ బడేమియా అయితే... కాంగ్రెస్ చోటే మియా అని విమర్శించారు మాజీ మంత్రి హరీశ్ రావు. మెదక్ బీఆర్ఎస్ ఎంపీ అభ్యర్థి వెంకటరామిరెడ్డి తరఫున ప్రచారం నిర్వహించారు. వంద రోజుల్లో 6 గ్యారంటీలు అమలు చేస్తామని మాటతప్పారని హరీశ్ రావు విమర్శించారు. రేవంత్ వద్ద సరుకు లేదని... అందుకే లీకులు ఇస్తూ కాలం గడుపుతున్నారని మండిపడ్డారు.

అసెంబ్లీ ఎన్నికల్లో కాంగ్రెస్, బీజేపీ ఒక్కటని... ప్రచారం చేసి కాంగ్రెస్ గద్దెనెక్కిందని ఆక్షేపించారు. కాంగ్రెస్ మీద కోపంతో బీజేపీకి ఓటేయొద్దని ఆయన వెల్లడించారు. పెన్షన్ విషయంలో కాంగ్రెస్ ప్రజలను మోసం చేసిందని ఆగ్రహం వ్యక్తం చేశారు. బీజేపీకి ఓటు వేసి కొత్త సమస్యలను నెత్తిన పెట్టుకోవద్దని ప్రజలను కోరారు. తెలంగాణ ప్రజలందరూ ఆలోచించి ఓటేయాలన్నారు. రాష్ట్రంలో మళ్లీ అధికారంలోకి వచ్చేది బీఆర్ఎస్ ప్రభుత్వమేనని హరీష్ రావు తేల్చి చెప్పారు.