Alcatel V3 Series: కొత్త బ్రాండ్ ఎంట్రీ.. మూడు కొత్త ఫోన్లను లాంచ్ చేసిన ఫ్రెంచ్‌ కంపెనీ.. ఫీచర్స్ అదిరాయ్..!

Alcatel V3 Series: ఫ్రెంచ్‌కు చెందిన స్మార్ట్‌ఫోన్ తయారీ సంస్థ ఆల్కాటెల్ తన మూడు సరికొత్త, పూర్తి ఫీచర్లతో కూడిన స్మార్ట్‌ఫోన్‌లను భారతదేశంలో ప్రవేశపెట్టింది. ఆల్కాటెల్ తన కొత్త సిరీస్ ఆల్కాటెల్ V3 క్లాసిక్, ఆల్కాటెల్ V3 ప్రో, ఆల్కాటెల్ V3 అల్ట్రా స్మార్ట్‌ఫోన్‌లను మే 27, 2025న అధికారికంగా ప్రారంభించింది. ఈ స్మార్ట్‌ఫోన్ NXTPAPER డిస్‌ప్లే, 108MP కెమెరా, ఆసక్తికరమైన ఫీచర్ల వంటి కొత్త టెక్నాలజీతో వస్తుంది. కాబట్టి, ఈ ఆల్కాటెల్ V3 సిరీస్ స్మార్ట్‌ఫోన్‌ల లాంచ్ ఆఫర్ ధర, టాప్ ఫీచర్ల గురించి వివరంగా తెలుసుకుందాం.

Alcatel V3 Classic 5G Price

ముందుగా, ఆల్కాటెల్ V3 క్లాసిక్ 5G స్మార్ట్‌ఫోన్ ధరను పరిశీలిస్తే, 4GB RAM+128GB స్టోరేజ్ ప్రారంభ ధర రూ. 12,999 కాగా, మరొక 6GB RAM+128GB స్టోరేజ్ రూ. 14,999 కు పరిచయం చేశారు. అయితే దీనిని రూ. 1000 బ్యాంక్ ఆఫర్‌తో కొనుగోలు చేయవచ్చు. మరొక ఆల్కాటెల్ V3 ప్రో 5G స్మార్ట్‌ఫోన్‌ను 8GB RAM+ 256GB స్టోరేజ్‌తో కేవలం ఒక వేరియంట్‌లో రూ. 17,999 కు ప్రవేశపెట్టారు. కానీ మీరు దీన్ని రూ. 2000 బ్యాంక్ ఆఫర్‌తో కొనుగోలు చేయవచ్చు.

Alcatel V3 Ultra 5G Price

ఆల్కాటెల్ V3 అల్ట్రా 5G స్మార్ట్‌ఫోన్ 6GB RAM+ 128GB స్టోరేజ్ ధర రూ. 19,999. అయితే 8GB RAM +128GB స్టోరేజ్ మోడల్ ధర రూ. 21,999, కానీ రూ. 2,000 బ్యాంక్ ఆఫర్‌తో కొనుగోలు చేయవచ్చు. ఈ మూడు 5G స్మార్ట్‌ఫోన్‌లు వచ్చే నెల జూన్ 2, 2025న మధ్యాహ్నం 12:00 గంటలకు ప్రారంభమయ్యే మొదటి సేల్‌లో ఫ్లిప్‌కార్ట్ ద్వారా కొనుగోలు చేయడానికి అందుబాటులో ఉంటాయి.

Alcatel V3 Classic Specifications

ఆల్కాటెల్ V3 క్లాసిక్‌కి 2.5D గ్లాస్ ప్రొటక్షన్‌తో 6.67-అంగుళాల HD+ ప్యానెల్‌ ఉంది. దీనిలో 128GB స్టోరేజ్ ఉంది. 4GB ర్యామ్‌తో కూడా లభిస్తుంది. దీనిలో 10W ఛార్జింగ్‌కు సపోర్ట్ ఇచ్చే 5200 mAh సామర్థ్యం గల బ్యాటరీ ఉంటుంది. ఇది ఆండ్రాయిడ్ 15 పై నడుస్తుంది. స్మార్ట్‌ఫోన్‌లో 50MP మెయిన్, మాక్రో వెనుక కెమెరా 0.08MP QVGA సెన్సార్‌తో ఉన్నాయి. ఇది సాధారణ LED ఫ్లాష్, HDRకి సపోర్ట్ ఇస్తుంది. ముందు భాగంలో మీరు సెల్ఫీల కోసం LCD బ్యాక్‌లైట్‌తో కూడిన 8MP కెమెరాను చూడచ్చు,

Alcatel V3 Pro Specifications

ఆల్కాటెల్ V3 ప్రో 6.67-అంగుళాల HD+ హోల్ NXTPAPER ప్యానెల్, 2.5D గ్లాస్ (AG ఎచింగ్) ప్రొటక్షన్ కలిగి ఉంది. దీనిలో 256GB స్టోరేజ్ ఉంది. ఇది 8GB LPDDR4X RAM తో కూడా వస్తుంది. దీనిని మరో 10GB వరకు విస్తరించవచ్చు. ఈ ఫోన్ 5010 mAh సాధారణ సామర్థ్యం కలిగిన బ్యాటరీతో పనిచేస్తుంది. ఈ మోడల్ ఆండ్రాయిడ్ 15 లో కూడా పనిచేస్తుంది. కెమెరాల కోసం 50MP మెయిన్, మాక్రో వెనుక కెమెరాతో పాటు 5MP అల్ట్రా-వైడ్ సెన్సార్‌ ఉంది, ఇది సాధారణ LED ఫ్లాష్, HDR ని కలిగి ఉంటుంది. సెల్ఫీలు LCD బ్యాక్‌లైట్‌తో కూడిన 8MP ఫ్రంట్ కెమెరా అందించారు.

Alcatel V3 Ultra Specifications

ఆల్కాటెల్ V3 అల్ట్రా 1080 x 2460 పిక్సెల్స్ రిజల్యూషన్‌తో 6.78-అంగుళాల పెద్ద FHD+ NXTPAPER సుపీరియర్ డిస్‌ప్లేను కలిగి ఉంది. దీనికి 2.5D గ్లాస్ ప్రొటక్షన్ అందించారు. ఈ స్మార్ట్‌ఫోన్ 128GB+ 6GB ర్యామ్‌ను అందిస్తుంది. ఈ స్మార్ట్‌ఫోన్‌లో 5010 mAh సామర్థ్యం గల బ్యాటరీతో పనిచేస్తుంది. 33W ఛార్జింగ్‌కు సపోర్ట్ ఇస్తుంది. ఈ ఫోన్ ఆండ్రాయిడ్ 14 పై నడుస్తుంది. ఈ ఫోన్ 108MP ప్రధాన వెనుక కెమెరాతో ప్రత్యేకంగా నిలుస్తుంది. దీనిలో 8MP అల్ట్రా-వైడ్, 2MP మాక్రో సెన్సార్‌ ఉంది. సెల్ఫీల కోసం 32MP ఫ్రంట్ కెమెరా ఉంది.