స్వాతి మలివాల్ కేసులో కేజ్రీవాల్ పీఏ బిభవ్ అరెస్ట్

ఆప్ ఎంపీ స్వాతి మలివాల్ కేసులో సీఎం కేజ్రీవాల్ పీఏ బిభవ్ అరెస్ట్ అయ్యారు. తనను హింసించాడని పోలీసులకు స్వాతి మలివాల్‌ ఫిర్యాదు చేయగా.. ఈ కేసు రాష్ట్రంలో ప్రకంపనలు రేపింది. ఈ నేపథ్యంలో సీఎం కేజ్రీవాల్ నివాసంలో బిభవ్‌ను ఢిల్లీ పోలీసులు అరెస్ట్ చేశారు. బిభవ్‌కు మెడికల్ టెస్టులు చేస్తున్న పోలీసులు.. కాసేపట్లో ఆయన్ను తిజ్ హజారీ కోర్టులో ప్రవేశపెట్టనున్నారు. మెజిస్ట్రేట్ ఆధ్వర్యంలో బిభవ్‌ స్టేట్‌మెంట్ తీసుకోనున్నారు. మరోవైపు కొన్నాళ్లుగా బీజేపీ, ఆప్ మధ్య ఈ వివాదంపై మాటలయుద్ధం కొనసాగుతోంది. బిభవ్‌ను పోలీసులు అదుపులోకి తీసుకోవడంతో.. నోటీసులు ఇవ్వకుండా అరెస్ట్ చేశారంటూ ఆరోపణలు చేస్తోంది ఆప్‌. ఎన్నికల ముందు ఆప్‌ను దెబ్బతీసేందుకే బీజేపీ స్వాతి ద్వారా కుట్ర చేస్తోందని ఆ పార్టీ నేతలు ఆరోపిస్తున్నారు.