Delhi Liquor Scam: ఆప్‌ నేత సంజయ్‌ సింగ్‌ ఇంట్లో ఈడీ సోదాలు

Delhi Liquor Scam: ఆమ్ ఆద్మీ పార్టీ ఎంపీ సంజయ్‌సింగ్‌కు ఉచ్చు బిగుస్తోంది. ఢిల్లీ లిక్కర్ స్కామ్ కేసు ఛార్జ్‌షీట్‌లో సంజయ్‌సింగ్ పేరు చేర్చింది ఎన్‌ఫోర్స్‌మెంట్ డైరెక్టరేట్. ఇందులో భాగంగా ఎంపీ సంజయ్‌సింగ్ నివాసంలో తనిఖీలు చేపట్టారు ఈడీ అధికారులు. ఢిల్లీ నార్త్ ఎవెన్యూలోని సంజయ్‌సింగ్ ఇంట్లో ఈడీ సోదాలు కొనసాగుతున్నాయి. లిక్కర్‌స్కామ్ కేసులో ఇప్పటికే ముగ్గురు నిందితులు అప్రూవర్లుగా మారి వివరాలు తెలిపారు. దీంతో ఛార్జ్‌షీట్‌లో సంజయ్‌సింగ్‌ పేరును ఈడీ అధికారులు మూడు సార్లు ప్రస్తావించారు.