అహ్మదాబాద్‌లో ఘోర విమాన ప్రమాదం: ఎయిర్ ఇండియా ఫ్లైట్ కూలిపోయి 242 మంది మృతి..?

అహ్మదాబాద్‌ అంతర్జాతీయ విమానాశ్రయంలో ఓ భయానక ప్రమాదం జరిగింది. లండన్‌కి బయలుదేరుతున్న ఎయిర్ ఇండియా విమానం టేకాఫ్ సమయంలో మేఘనినగర్ సమీపంలో కుప్పకూలింది. ఈ సంఘటనలో 242 మంది ప్రాణాలు కోల్పోయినట్లు ప్రాథమిక సమాచారం అందుతోంది. మొత్తం 250 మంది ప్రయాణికులు ఈ విమానంలో ఉన్నట్లు తెలుస్తోంది.

🛬 ఎలా జరిగింది ఈ ప్రమాదం?

ఎయిర్ ఇండియా విమానం టేకాఫ్ అవుతుండగా, ఇంజిన్‌లో సాంకేతిక లోపం వచ్చి, కొన్ని సెకన్లలోనే విమానం నియంత్రణ కోల్పోయింది. వాస్తవానికి ఇది అహ్మదాబాద్‌ నుంచి లండన్‌కు వెళ్లే అంతర్జాతీయ విమానం. కానీ టేకాఫ్‌ సమయంలోనే మేఘనినగర్ సమీపంలో కూలిపోయింది. విమానం నివాస ప్రాంతంపై పడటంతో తీవ్ర స్థాయిలో నష్టం వాటిల్లింది. వస్త్రపూర్‌ వరకు పొగలు వ్యాపించినట్లు అధికారులు పేర్కొంటున్నారు.

🏥 బాధితుల పరిస్థితి

గాయపడిన ప్రయాణికులను తక్షణమే అహ్మదాబాద్ సివిల్ హాస్పిటల్కు తరలించారు. అత్యవసర సహాయ సేవలు వేగంగా స్పందించగా, పలుచోట్ల రహదారులు మూసివేయబడ్డాయి. ఘటనా స్థలానికి అగ్నిమాపక దళాలు, పోలీసులు, రెస్క్యూ బృందాలు చేరుకున్నాయి.

🚨 రవాణా దారులపై ప్రభావం

ఈ ప్రమాదం అనంతరం అహ్మదాబాద్‌లోని ప్రధాన విమానాశ్రయం మూసివేసినట్టు అధికారులు తెలిపారు. అనేక విమానాలు రద్దు చేయబడ్డాయి లేదా మళ్లించబడ్డాయి.

🛑 అసలేం జరిగిందీ..? పూర్తి విచారణ అనంతరం నిజాలు వెల్లడి

ఇంజిన్‌లో ఏ విధమైన సాంకేతిక లోపం వచ్చిందన్న దానిపై అధికారికంగా ఇంకా స్పష్టత రాలేదు. బ్లాక్ బాక్స్‌ను రికవర్ చేసి, దానిపై డేటా విశ్లేషణ అనంతరం పూర్తి సమాచారం వెల్లడయ్యే అవకాశం ఉంది.

📢 అధికారికంగా ఏం చెబుతున్నారు?

DGCA (Directorate General of Civil Aviation) ఇప్పటికే సంఘటనపై విచారణకు ఆదేశాలు జారీ చేసింది. విమాన సంస్థ అయిన ఎయిర్ ఇండియా ఈ ఘటనపై ఇంకా అధికారిక ప్రకటన ఇవ్వలేదు. అయితే, ఒక మాజీ సీఎం కూడా ఈ ఫ్లైట్‌లో ప్రయాణిస్తున్నారనే ఊహాగానాలు మద్యం చేస్తున్నాయి. కానీ అధికారికంగా దీనిపై ఇంకా స్పష్టత లేదు.