Pawan Kalyan Birthday: ప్రజలకు పవన్ లాంటి నాయకుడు కావాలి..పవన్‎కు చిరంజీవి శుభాకాంక్షలు

 Pawan Kalyan Birthday: ప్రజలకు పవన్ కల్యాణ్ లాంటి నాయకుడు కావాలంటూ మెగాస్టార్ చిరంజీవి అన్నారు. ఇవాళ పవన్ కల్యాణ్ పుట్టిన రోజు సందర్బంగా ఆయన ఓ ప్రత్యేక ఫొటోను షేర్ చేస్తూ శుభాకాంక్షలు తెలిపారు.

మెగాస్టార్ చిరంజీవి ఇలా రాస్తూ...

కల్యాణ్ బాబు..ప్రతీ ఏడాది నీకు పుట్టినరోజు వస్తుంది. కానీ ఈ పుట్టినరోజు మరీ ప్రత్యేకమైంది. ఆంధ్ర ప్రజానీకానికి కావాల్సిన సమయంలో మంచి నాయకుడు వచ్చాడు. వాళ్ల జీవితంలో పెను మార్పులు తీసుకువచ్చేందుకు వాళ్ల ఇంటికి పెద్ద బిడ్డగా వచ్చాడు. రాజకీయాల్లో నీతి, నిజాయితీ, నిబద్ధత, నిలకడ కలిగిన ఓ నాయకుడిగా నిన్ను వాళ్ల జీవితాల్లోకి ఆహ్వానించారు. గుండెల్లో నీకు స్థానం ఇచ్చారు. అది సుస్థిరంగా ఉంటుంది. ఈ రోజుల్లో నీలాంటి నాయకుడు కావాలి. రావాలి. ఎన్నో అద్భుతాలు జరగాలి. అది నువ్వు మాత్రమే చేస్తావు..చేయగలవు. అదే నమ్మకం నాతోపాటు ఆంధ్ర ప్రజలందరికీ ఉంది. పుట్టినరోజు శుభాకాంక్షలు. దీర్ఘాయుష్మాన్ భవ...అని చిరంజీవి తన పోస్టులో పేర్కొన్నారు.