Watermelon: ఈ పండు నీటి కొరతని తీర్చడమే కాదు ఈ వ్యాధులకి చక్కటి ఔషధం..!

Watermelon: పుచ్చకాయ వేసవిలో శరీరానికి తాజాదనాన్ని అందించే పండు. వాస్తవానికి మొదటగా ఈజిప్ట్, చైనాలో పుచ్చకాయను పండించేవారు. పుచ్చకాయ సాగు 10వ శతాబ్దంలో చైనాలో ప్రారంభమైందని చెబుతారు. ఈ పండులో 92 శాతం నీరు, 8 శాతం చక్కెర ఉంటుంది. ఈ పండు వేసవిలో మంచి నీటి వనరు. ఇందులో పెద్ద మొత్తంలో బీటా కెరోటిన్, పొటాషియం, కాల్షియం, మెగ్నీషియం, ఐరన్ ఉంటాయి. ఇవి శరీరానికి చాలా మంచిది.

జీర్ణవ్యవస్థ బలంగా ఉంటుంది

పుచ్చకాయ తినడం వల్ల జీర్ణవ్యవస్థ బలపడుతుంది. ఈ పండులో చాలా నీరు ఉంటుంది. ఈ పరిస్థితిలో మీరు దీన్ని తినేటప్పుడు మీ జీర్ణవ్యవస్థ బలంగా తయారవుతుంది. మీకు ఏవైనా కడుపు సంబంధిత సమస్యలు ఉంటే వేసవిలో ఖచ్చితంగా ఈ పండును తినండి.

బరువు తగ్గిస్తుంది

ఈ రోజుల్లో ప్రజలు పెరుగుతున్న బరువు గురించి చాలా ఆందోళన చెందుతున్నారు. ఈ పరిస్థితిలో పుచ్చకాయను తినాలి. ఇది శరీరాన్ని డిటాక్సిఫై చేయడంలో సహాయపడుతుంది. దీంతో పాటు ఇది కండరాల నొప్పికి సహాయపడుతుంది. పుచ్చకాయలో ఎలెక్ట్రోలైట్స్, అమైనో యాసిడ్ సిట్రులిన్ వంటి మూలకాలు పుష్కలంగా ఉంటాయి.

ఆస్తమా పేషెంట్లక మేలు

ఆస్తమా ఉన్నవారికి పుచ్చకాయ చాలా మేలు చేస్తుంది. ఇందులో ఉండే లైకోపీన్ ఆస్తమాలో ప్రయోజనకరంగా పనిచేస్తుంది. ఇది ప్రభావవంతమైన యాంటీఆక్సిడెంట్. లైకోపీన్, విటమిన్ ఎ తగినంత తీసుకోవడం ఆస్తమా రోగులకు ప్రయోజనకరంగా ఉంటుంది. ఈ రెండు మూలకాలు పుచ్చకాయలో కనిపిస్తాయి.

ఎముకలు బలంగా చేస్తుంది

పుచ్చకాయలో విటమిన్-సి పుష్కలంగా ఉంటుంది. ఇది ఎముకలకు చాలా ఉపయోగకరంగా ఉంటుంది. ఇందులో ఉండే లైకోపీన్ బోలు ఎముకల వ్యాధిని నివారిస్తుంది. ఇది ఎముక పగుళ్లను నివారిస్తుంది. ఇందులో ఉండే విటమిన్-ఎ ఎముకలను బలపరుస్తుంది.