Indoor Plants: వాస్తు ప్రకారం సంపద, అదృష్టాన్ని తెచ్చే ఇండోర్ ప్లాంట్స్ ఇవే!

మీ ఇల్లు కేవలం నివాస స్థలంగా కాకుండా, సంపద, అదృష్టం, సానుకూల శక్తిని ఆకర్షించే పవిత్ర ప్రదేశంగా మార్చాలని అనుకుంటున్నారా? అయితే వాస్తు, ఫెంగ్‌షుయ్ ప్రకారం కొన్ని ఇండోర్ ప్లాంట్స్ ఇంట్లో పెంచడం చాలా శ్రేయస్కరం. ఇవి ఇంటి అందాన్ని పెంచడమే కాకుండా ఆర్థికంగా అభివృద్ధి, శాంతి, ఆనందాన్ని కూడా తీసుకువస్తాయని నమ్ముతారు.

సంపద, అదృష్టాన్ని ఆకర్షించే ముఖ్యమైన మొక్కలు

లక్కీ బాంబూ – దీర్ఘాయువు, ఆరోగ్యం, సంపదకు ప్రతీక. 3 కాండాలు సంపదను, 6 అదృష్టాన్ని, 7 ఆరోగ్యాన్ని సూచిస్తాయని నమ్ముతారు. తూర్పు దిశలో ఉంచడం శ్రేయస్కరం.

మనీ ప్లాంట్ – ఆగ్నేయ దిశలో పెంచితే ఆర్థిక వృద్ధి కలుగుతుందని నమ్మకం. ఇంటి గాలి నాణ్యతను కూడా మెరుగుపరుస్తుంది.

జాస్మిన్ – సంపదను, మానసిక ప్రశాంతతను తెస్తుంది. బాల్కనీ, కిటికీ, పూజా స్థలాల్లో పెంచితే శ్రేయస్సు పెరుగుతుంది.

స్నేక్ ప్లాంట్ – విష వాయువులను తొలగించి, సానుకూల శక్తిని పెంచుతుంది. రాత్రిపూట ఆక్సిజన్ విడుదల చేస్తుంది.

తులసి – సానుకూల శక్తిని, ఆధ్యాత్మికతను ఆకర్షించే పవిత్ర మొక్క. తూర్పు దిశలో లేదా ఇంటి ముందు ఉంచడం మంచిది.

సిట్రస్ ట్రీ (నిమ్మ, నారింజ) – ఫెంగ్‌షుయ్ ప్రకారం పండ్లతో నిండిన ఈ మొక్కలు సంపద, సమృద్ధిని ఆకర్షిస్తాయి.

రబ్బర్ ప్లాంట్ – గుండ్రని ఆకులు అదృష్టం, సంపదకు సూచిక. గాలిని శుభ్రపరచడంలో కూడా సహాయకారి.

పోథోస్ – మనీ ప్లాంట్‌లాగే అదృష్టం, సంపదను తెస్తుంది. తక్కువ వెలుతురులో కూడా సులభంగా పెరుగుతుంది.

అలోవెరా – ప్రతికూల శక్తులను తొలగించి, సానుకూల శక్తిని ఆకర్షిస్తుంది.

ఆఫ్రికన్ వయోలెట్ – ఐశ్వర్యం, సంపదకు సూచిక. దీని గుండ్రని ఆకులు శుభప్రతీక.

క్రిస్మస్ క్రాక్టస్ – దీర్ఘాయువు, సంపదను ఆకర్షిస్తుంది. పూలు పూసినప్పుడు ప్రత్యేక శుభం కలుగుతుందని నమ్మకం.

ఆర్కిడ్స్ – ప్రేమ, అందం, సంతానోత్పత్తి, సంపదకు ప్రతీకలు. సానుకూల శక్తిని పెంచుతాయి.

స్పైడర్ ప్లాంట్ – గాలిని శుభ్రపరచి ప్రశాంత వాతావరణాన్ని సృష్టిస్తుంది.

రోజ్మేరీ – మానసిక ఒత్తిడిని తగ్గించి, ఇంట్లో సానుకూలతను పెంచుతుంది.

ఫిలోడెండ్రాన్ – ప్రేమ, సమృద్ధిని ఆకర్షిస్తుంది. తక్కువ నిర్వహణతో ఇంటికి పచ్చదనం ఇస్తుంది.

ఈ మొక్కలను వాస్తు ప్రకారం సరిగ్గా ఉంచితే ఇంట్లో సంపద, శాంతి, సానుకూల శక్తి నిండిపోతుందని నమ్ముతారు.