Sanket Jayesh Balsara: న్యూయార్క్‌ కోర్టు జడ్జిగా భారతీయుడు

Sanket Jayesh Balsara: న్యూయార్క్‌లోని అమెరికా ఈస్టర్న్ డిస్టిక్ కోర్టు న్యాయమూర్తిగా భారత సంతతికి చెందిన సంకేత్‌ జయేశ్‌ బల్సారా నియమించబడ్డాడు. ఈ మేరకు వైట్‌హౌస్‌ అధికారిక ప్రకటన చేసింది. బల్సారా 2017 నుంచి ఇదే కోర్టులో మేజిస్ట్రేటుగా పనిచేస్తున్నారు. ఆ పదవిని చేపట్టిన మొట్టమొదటి దక్షిణాసియా సంతతి వ్యక్తి ఆయనే. ఇప్పుడు న్యాయమూర్తిగా పదోన్నతి లభించింది. బల్సారా తండ్రి న్యూయార్క్‌ నగర పాలికలో ఇంజినీరుగా పనిచేయగా, తల్లి నర్సుగా పనిచేస్తున్నారు. వీరిద్దరూ భారత్‌, కెన్యాల నుంచి 50 ఏళ్ల క్రితం వలస వెళ్లారు.