Rohit Sharma Net Worth: రోహిత్ శర్మ ఆస్తులు ఎంతో తెలుసా? హైదరాబాద్ లో కూడా కోట్ల విలువైన ఆస్తి!

Rohit Sharma Net Worth: భారత క్రికెట్ జట్టు కెప్టెన్ రోహిత్ శర్మ నికర విలువ రూ.250 కోట్లకు పైగా ఉంది. అతనికి ఖరీదైన కార్లు, ముంబైలో విలాసవంతమైన ఫ్లాట్లు, అనేక రియల్ ఎస్టేట్ ఆస్తులు, కోట్ల విలువైన పెట్టుబడులు ఉన్నాయి. అతను బ్రాండ్ ఎండార్స్‌మెంట్‌ల నుండి కూడా చాలా సంపాదిస్తాడు.

టెస్ట్ మ్యాచ్‌ల నుండి రిటైర్మెంట్ ప్రకటించిన భారత క్రికెట్ జట్టు కెప్టెన్, స్టార్ బ్యాట్స్‌మన్ రోహిత్ శర్మ గురించి ప్రత్యేకించీ చెప్పాల్సిన అవసరం లేదు. క్రికెట్లోనే కాదు సంపాదనలోనూ రోహిత్ ఏమాత్రం తక్కువ లేదు. అతని ఖాతాలోకి రోజూ లక్షలాది రూపాయలు వస్తున్నట్లు స్పష్టం అవుతోంది. ఇప్పటి వరకు రోహిత్ శర్మ సుమారురూ. 214కోట్ల రూపాయల విలువైన ఆస్తులను సంపాదించడాట. అతని ప్రధాన ఆదాయం క్రికెట్, కానీ ఎండార్స్ మెంట్స్ ద్వారా కూడా అతను ఆదాయాన్ని గణనీయంగా పెంచుతాయి. ఈ లెక్కలను బట్టి చూస్తే రోహిత్ ప్రతినెలా రూ. 2కోట్లకు పైగా సంపాదిస్తున్నట్లే.

2025 నాటికి రోహిత్ శర్మ నికర విలువ దాదాపు రూ.250 కోట్లు ఉందని అంచనా. అతని ప్రధాన ఆదాయ వనరు క్రికెట్ (BCCI కాంట్రాక్ట్, IPL జీతం), బ్రాండ్ ఎండార్స్‌మెంట్‌లు, ఇతర పెట్టుబడులు. BCCI అతన్ని A ప్లస్ గ్రేడ్‌లో ఉంచింది. దీని కారణంగా అతను ఏటా రూ. 7 కోట్లు పొందుతాడు. ఐపీఎల్‌లో అతను ముంబై ఇండియన్స్ తరఫున ఆడుతూ వార్షిక జీతం రూ. 16 కోట్లు అందుకుంటాడు.

రోహిత్ కార్ల కలెక్షన్ విలాసవంతమైన అభిరుచిని ప్రతిబింబిస్తుంది. ఎన్నో హై-ఎండ్ మరియు స్పోర్ట్స్ కార్లు ఉన్నాయి.

లంబోర్గిని ఉరుస్: రోహిత్ ఇటీవలే దాదాపు రూ.4 కోట్ల విలువైన ఈ సూపర్ SUVని కొనుగోలు చేశాడు.

BMW M5: అతను తరచుగా రూ. 1.5 కోట్ల విలువైన ఈ స్పోర్ట్స్ కారును నడుపుతాడు.

మెర్సిడెస్ GLS 350d: రూ. 90 లక్షల విలువైన ఈ SUV కూడా అతని గ్యారేజీలో ఉంది.

అంతేకాదు టయోటా ఫార్చ్యూనర్, స్కోడా లారా వంటి ఇతర కార్లను కూడా ఉన్నాయి.

రోహిత్ శర్మ ముంబైలోని వర్లి ప్రాంతంలో సముద్రానికి ఎదురుగా ఉన్న ఒక విలాసవంతమైన ఫ్లాట్‌లో నివసిస్తున్నాడు. దీని విలువ రూ. 30 కోట్లకు పైగా ఉంటుంది. ఇది 6000 చదరపు అడుగుల విస్తీర్ణంలో ఉన్న 4BHK ఫ్లాట్, ప్రైవేట్ టెర్రస్, జిమ్, ఇంటీరియర్ డిజైనర్ డిజైన్ చేసిన లివింగ్ స్పేస్‌తో ఉంది. అంతేకాదు అతనికి ముంబై , హైదరాబాద్ వంటి ప్రదేశాలలో రియల్ ఎస్టేట్‌లో కూడా పెట్టుబడులు ఉన్నాయి.

రోహిత్ శర్మ అనేక స్టార్టప్‌లు, కంపెనీలలో పెట్టుబడులు పెట్టారు. రాపిడోబోటిక్స్, హెల్తీయన్స్, ఫైనాన్స్‌పీర్ వంటి స్టార్టప్‌లలో పెట్టుబడి పెట్టాడు. దీనితో పాటు, అడిడాస్, సియట్, డ్రీమ్11, హబ్లాట్, ఓక్లే వంటి బ్రాండ్‌లను ప్రమోట్ చేస్తాడు. ఇది అతని బ్రాండ్ విలువను ఏటా రూ. 30-40 కోట్లకు తీసుకువెళుతుంది.