Budget 2025: దేశ రోజువారీ బడ్జెట్ ఎంత? నిర్మలా సీతారామన్ ప్రణాళిక ఏంటి ?

Budget 2025: దేశ ఆర్థిక వృద్ధిని వేగవంతం చేయడానికి కేంద్ర ప్రభుత్వం బడ్జెట్‌ 2025లో కీలక నిర్ణయాలు తీసుకుంది. ముఖ్యంగా మధ్య తరగతి ప్రజలకు ప్రయోజనకరమైన పథకాలు ప్రవేశపెట్టడం, కీలక రంగాలకు వేల కోట్ల రూపాయల కేటాయింపులు చేయడం ద్వారా భారతదేశ జీడీపీని 5 ట్రిలియన్‌ డాలర్లకు తీసుకెళ్లే దిశగా ప్రభుత్వం అడుగులు వేస్తోంది. ఈ లక్ష్యాన్ని సాధించడానికి ప్రభుత్వం రోజుకు సుమారు రూ.14,000 కోట్ల వ్యయ ప్రణాళికను రూపొందించింది.

బడ్జెట్‌ సైజ్‌ ఎంత?

కేంద్ర ఆర్థిక మంత్రి నిర్మలా సీతారామన్‌ బడ్జెట్‌ 2025ను ప్రవేశపెట్టారు. ఇందులో మొత్తం బడ్జెట్‌ పరిమాణం రూ.50,65,345 కోట్లు. ఇది దేశ బడ్జెట్‌ తొలిసారి రూ.50 లక్షల కోట్ల మార్కును దాటింది. గతంలో రూ.40-50 లక్షల కోట్ల స్థాయికి చేరుకోవడానికి దశలవారీగా ఎదగాల్సి వచ్చిందని గమనించాలి.

2023లో బడ్జెట్‌ రూ.39.33 లక్షల కోట్లు

2024లో బడ్జెట్‌ రూ.44.43 లక్షల కోట్లు

2025లో బడ్జెట్‌ రూ.47.16 లక్షల కోట్లు

ఇటీవల మూడు సంవత్సరాల్లో దేశ బడ్జెట్‌లో 28.40% వృద్ధి నమోదైంది.

రోజుకు ఎంత ఖర్చు?

ప్రభుత్వం దేశాన్ని 5 ట్రిలియన్‌ డాలర్ల ఆర్థిక వ్యవస్థగా మారుస్తుందనుకున్న లక్ష్యాన్ని సాధించడానికి భారీగా ఖర్చు చేయనుంది. ఆర్థిక సంవత్సరానికి గణన చేసుకుంటే రోజుకు సుమారు రూ.14,000 కోట్ల ను ప్రభుత్వ కార్యక్రమాల కోసం ఖర్చు చేయాలని నిర్ణయించారు.

2023లో రోజువారీ ఖర్చు రూ.11,000 కోట్లు

2024లో రోజువారీ ఖర్చు రూ.12,000 కోట్లు

2025లో రోజువారీ ఖర్చు రూ.13,000 కోట్లు

2026లో రోజుకు ఖర్చు రూ.14,000 కోట్లు

ప్రతి సంవత్సరం సగటున రూ.1,000 కోట్లు అదనంగా ఖర్చు చేయడానికి ప్రభుత్వం ప్రణాళిక సిద్ధం చేస్తోంది.

ఎవరి కోసం ఎంత కేటాయింపు?

ఈసారి బడ్జెట్‌లో కొన్ని ప్రధాన రంగాలకు భారీ కేటాయింపులు జరిగాయి:

* గ్రామీణ అభివృద్ధి: రూ.2.67 లక్షల కోట్లు

* హోం అఫైర్స్‌: రూ.2.33 లక్షల కోట్లు

* వ్యవసాయం & సంబంధిత కార్యకలాపాలు: రూ.1.71 లక్షల కోట్లు

* విద్య: రూ.1.28 లక్షల కోట్లు

* ఆరోగ్య, పట్టణాభివృద్ధి, ఐటీ & టెలికాం: రూ.90,000 కోట్లకు పైగా

* ఇంధన రంగం, వాణిజ్యం, సామాజిక సంక్షేమం: రూ.60,000 కోట్లకు పైగా

మధ్య తరగతి ప్రజలకు ఊరట

బడ్జెట్‌ ప్రవేశపెట్టిన అనంతరం, ఆర్థిక మంత్రి నిర్మలా సీతారామన్‌ ఈ బడ్జెట్‌ ప్రజల కోసం, ప్రజల ద్వారా, ప్రజల కోసమేనని తెలిపారు. మధ్య తరగతి ప్రజలు ప్రభుత్వంపై ఉన్న పన్నుల భారం తగ్గించి, వారి ఆదాయాన్ని పెంచేలా చర్యలు తీసుకున్నామని పేర్కొన్నారు.

రూపాయి విలువపై వివరణ

కొన్నాళ్లుగా రూపాయి మారకం విలువ పతనమవుతోందని వస్తున్న విమర్శలపై నిర్మలా సీతారామన్ స్పందిస్తూ, "రూపాయి విలువ కేవలం డాలర్‌ బలపడటమే తప్ప, ఇతర కరెన్సీలతో పోలిస్తే స్థిరంగా ఉంది" అని స్పష్టం చేశారు. ఈ బడ్జెట్‌తో 5 ట్రిలియన్‌ డాలర్ల ఆర్థిక వ్యవస్థ లక్ష్యం చేరువ కానుందా? అనేది రానున్న రోజుల్లో తెలుస్తుంది!