Maruti Suzuki Invicto Discount: భారీ ఆఫర్ ప్రకటించిన మారుతి.. ఇన్విక్టోపై లక్షల్లో డిస్కౌంట్లు

Maruti Suzuki Invicto Discount: మారుతి సుజికి ఇన్విక్టో ఆల్ఫా వేరియంట్ MY2025 మోడల్‌పై భారీ ఆఫర్ ప్రకటించింది. ఈ కారుపై కంపెనీ రూ. 2.15 లక్షల వరకు డిస్కౌంట్ ఇస్తోంది. ఇందులో రూ. 1 లక్ష ఎక్స్ఛేంజ్ ఆఫర్ కాగా మరొక రూ. 1,15,000 స్క్రాపేజ్ ఆఫర్ ఉంది. అంతే కాకుండా ఇన్విక్టో ఆల్ఫా వేరియంట్స్ MY2024 స్టాక్‌పై రూ. 3.15 లక్షల తగ్గింపు అందిస్తున్నారు. అలానే జెటా వేరియంట్‌పై రూ.2.65 లక్షల తగ్గింపును అందిస్తోంది. ఇక ఈ కారు ధర విషయానికొస్తే.. మారుతి సుజుకి ఇన్విక్టో ఎక్స్-షోరూమ్ ధర రూ. 25.21 లక్షల నుండి రూ. 29.22 లక్షల వరకు ఉంది. డిస్కౌంట్ గురించి మరిన్ని వివరాల కోసం కస్టమర్‌లు తమ సమీప డీలర్‌షిప్‌ను సంప్రదించవచ్చు. 

మారుతి సుజుకి ఇన్విక్టో ఎక్స్-షోరూం ధరలు

1. ఇన్విక్టో స్ట్రాంగ్ హైబ్రిడ్ జెటా+ 7ఎస్ ధర రూ. 25.51 లక్షలు

2. ఇన్విక్టో స్ట్రాంగ్ హైబ్రిడ్ జెటా+ 8ఎస్ ధర రూ. 25.56 లక్షలు

3. ఇన్విక్టో స్ట్రాంగ్ హైబ్రిడ్ ఆల్ఫా+7ఎస్ ధర రూ. 29.22 లక్షలు

మారుతి సుజుకి ఇన్విక్టో కారు ఇంజన్ స్పెసిఫికేషన్స్

మారుతి ఇన్విక్టో‌ ఎలక్ట్రిక్ మోటార్‌తో, 2.0-లీటర్ పెట్రోల్ ఇంజన్ ఉంటుంది. ఈ ఇంజన్ 186బిహెచ్‌పి పవర్, 206ఎన్ఎమ్ టార్క్ ఉత్పత్తి చేస్తుంది. మారుతి ఇన్విక్టో 9.5 సెకన్లలో గంటకు 0 నుండి 100 కిలోమీటర్ల వేగాన్ని అందుకుంటుంది. ఒక లీటరులో 23.24 kmpl మైలేజీని అందిస్తుంది. ఇన్విక్టో‌ 7-సీటర్ , 8-సీటర్ ఆప్షన్స్‌లో అందుబాటులో ఉంది. మీరు మీ అవసరానికి అనుగుణంగా మోడల్‌ను ఎంచుకోవచ్చు.

మారుతి సుజుకి ఇన్విక్టో ఫీచర్స్

ఈ కారు ఫీచర్ల విషయానికొస్తే.. ఇందులో 10.1-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, 7-అంగుళాల పూర్తి డిజిటల్ డ్రైవర్ డిస్‌ప్లే వంటి ఫీచర్లు ఉన్నాయి. సేఫ్టీ కోసం 6-ఎయిర్‌బ్యాగ్స్, వెహికల్ స్టెబిలిటీ కంట్రోల్, టైర్ ప్రెజర్ మానిటరింగ్ సిస్టమ్, 360-డిగ్రీ కెమెరా, ఫ్రంట్, రియర్ పార్కింగ్ సెన్సార్‌లు వంటి ఫీచర్లు ఉన్నాయి.