2026 Renault Triber: ముందుంది ముసళ్ల పండగ.. ఆ కంపెనీ కొత్త కార్ల విడుదలకు రంగం సిద్ధం.. ఇక రచ్చ రచ్చే..!

2026 Renault Triber: రెనాల్ట్ ఇండియా రాబోయే 12 నెలల్లో దేశీయ మార్కెట్లో అనేక కొత్త మోడళ్లను ప్రవేశపెట్టనుంది. ఇందులో డస్టర్ ఎస్‌యూవీ కూడా ఉంది.దీని కోసం ఎంతో ఆసక్తిగా ఎదురుచూస్తున్నారు. దీనితో పాటు, కంపెనీ ట్రైబర్ ఎంపీవీ ఫేస్‌లిఫ్ట్‌ను కూడా విడుదల చేయనుంది. ఇటీవల, కొత్త రెనాల్ట్ ట్రైబర్ ఫేస్‌లిఫ్ట్ మొదటిసారి కెమెరా ముందు కనిపించింది. ఇది భారతదేశంలో అమ్మకానికి ప్రారంభించబడినప్పటి నుండి, దీనికి ఎటువంటి అప్‌డేట్ చేయలేదు . కంపెనీ అమ్మకాలు కూడా నిరంతరం పడిపోతున్నాయి. రెనాల్ట్ నుండి ఇప్పుడు కొత్తగా ఏమీ లేదు.ఈ నేపథ్యంలో మరోసారి కంపెనీ తన అమ్మకాలను పెంచుకోవడానికి కొత్త మోడళ్లపై దృష్టి పెట్టడం ప్రారంభించింది. ట్రైబర్ ఎంపీవీ ఫేస్‌లిఫ్ట్‌లో ఎటువంటి ప్రత్యేకతు ఉంటాయో తెలుసుకుందాం.

టెస్టింగ్ సమయంలో చూసిన ట్రైబర్‌ను చూస్తే, దాని ఎక్స్‌టీరియర్ డిజైన్ అప్‌గ్రేడ్ అవుతుందని ఊహించవచ్చు. దీనికి కొత్త బోనెట్, బంపర్, హెడ్‌లై, టెయిల్ లైట్లు ఉండవచ్చు. ఇది కాకుండా, రెనాల్ట్ కొత్త మోడల్‌లో అల్లాయ్ వీల్ డిజైన్‌ను మారుస్తారు. ఈ ఫోటోల్లో 2026 ట్రైబర్ ఫేస్‌లిఫ్ట్ ముందు భాగాన్ని మనం చూడలేకపోయినా, మార్పులు మునుపటి కంటే మెరుగ్గా ఉంటాయని భావిస్తున్నారు. ఇంటీరియర్స్ గురించి మాట్లాడుకుంటే, ఈసారి ఈ కారులో కొత్త డాష్‌బోర్డ్ చూడవచ్చు. కొత్త సీట్లు, అనేక ఫీచర్లను చేర్చే అవకాశం ఉంది.

కొత్త ట్రైబర్ 999సీసీ పెట్రోల్ ఇంజన్‌తో మాత్రమే లభిస్తుంది, ఇది 72 పిఎస్ పవర్, 96 ఎన్ఎమ్ టార్క్ ఉత్పత్తి చేస్తుంది. ఈ ఇంజిన్ 5 స్పీడ్ మాన్యువల్, ఏఎమ్‌టి గేర్‌బాక్స్‌తో ఉంటుంది. అదే ఇంజిన్ ప్రస్తుత మోడల్‌కు కూడా శక్తినిస్తోంది. ఇది నమ్మదగిన ఇంజిన్. భద్రత కోసం, ఈ కారులో 6 ఎయిర్‌బ్యాగ్‌లతో పాటు యాంటీ-లాక్ బ్రేకింగ్ సిస్టమ్ ఉంటుంది. ధర గురించి మాట్లాడుకుంటే, దీనిని భారతదేశంలో దాదాపు రూ. 6 లక్షలకు ప్రారంభించవచ్చు.