2025 Kia EV6: సరికొత్తగా కియా ఈవీ6.. 18 నిమిషాల్లో ఫుల్ ఛార్జ్..!

2025 Kia EV6: కియా తన ప్రీమియం ఎలక్ట్రిక్ కార్ 2025 కియా ఈవీ6ని భారతదేశంలో సుమారు రూ. 66 లక్షల ధరతో విడుదల చేసింది. ఇంతకుముందు ఈ కారు GT లైన్, GT లైన్ AWD అనే రెండు వేరియంట్‌లలో అందుబాటులో ఉంది, వీటి ధర వరుసగా రూ. 61 లక్షలు, రూ. 66 లక్షలు. కానీ ఇప్పుడు 2025 కియా EV6 GT లైన్ AWD వేరియంట్‌లో మాత్రమే వస్తుంది.

కొత్త Kia EV6 డిజైన్ మునుపటి కంటే మరింత స్పోర్టీగా, దూకుడుగా మారింది. దీని హెడ్‌లైట్‌లు కొత్త రూపాన్ని అందించాయి, ఇందులో LED DRLలు, కొత్త స్టైల్ హెడ్‌ల్యాంప్‌లు ఉన్నాయి, ఇవి EV3, EV4 కాన్సెప్ట్ మోడల్‌ల నుండి ప్రేరణ పొందినట్లుగా కనిపిస్తాయి. వాహనంలో 19-అంగుళాల బ్లాక్, వైట్ ఏరో అల్లాయ్ వీల్స్ దానిని మరింత స్టైలిష్‌గా చేస్తాయి. వెనుకవైపు LED స్ట్రిప్ టెయిల్‌లైట్ అందించారు. ఇది కారు రూపాన్ని మరింత ఆకర్షణీయంగా చేసింది.

కొత్త కియా EV6 హ్యుందాయ్ మోటార్ గ్రూప్ నుండి 84 కిలోవాట్ బ్యాటరీతో వస్తుంది, ఇది మునుపటి 77.4 కిలోవాట్ బ్యాటరీ ప్యాక్ స్థానంలో ఉంటుంది. అయితే, పెద్ద బ్యాటరీ ఉన్నప్పటికీ, పరిధి 663 కిలోమీటర్లకు తగ్గింది. దీనికి 350 kW DC ఫాస్ట్ ఛార్జింగ్ సపోర్ట్ ఉంది, దీని ద్వారా కేవలం 18 నిమిషాల్లో 10శాతం నుండి 80శాతం వరకు ఛార్జ్ చేయవచ్చు.

GT లైన్ AWD వేరియంట్ పవర్ ఇప్పుడు 320 బిహెచ్‌పి పవర్, 605 ఎన్ఎమ్ టార్క్‌కు పెరిగింది. అలాగే, సస్పెన్షన్ సిస్టమ్ మరింత మెరుగ్గా ఉంటుంది. ఇది రైడర్ అనుభవాన్ని మరింత సౌకర్యవంతంగా చేస్తుంది. కియా నిర్మాణాన్ని కూడా బలోపేతం చేసింది, కారుని మునుపటి కంటే సురక్షితంగా చేసింది.

2025 Kia EV6 Features

కొత్త Kia EV6 క్యాబిన్‌లో చాలా పెద్ద మార్పులు చేశారు. డ్యూయల్ 12.3-అంగుళాల కర్వ్డ్ పనోరమిక్ డిస్‌ప్లే ఉంది, ఇందులో డ్రైవర్ డిజిటల్ ఇన్‌స్ట్రుమెంట్ క్లస్టర్, ఇన్ఫోటైన్‌మెంట్ టచ్‌స్క్రీన్ ఉన్నాయి. ఆండ్రాయిడ్ ఆటో, యాపిల్ కార్‌ప్లే, వైర్‌లెస్ కనెక్టివిటీ సపోర్ట్, డి-కట్ టూ-స్పోక్ స్టీరింగ్ వీల్, ఫింగర్ ప్రింట్ సెన్సార్, నావిగేషన్, ఎలక్ట్రానిక్ కంట్రోల్ సిస్టమ్‌ను ఎప్పటికప్పుడు అప్‌డేట్ చేయవచ్చు. 12-అంగుళాల హెడ్స్-అప్ డిస్‌ప్లే,డిజిటల్ రియర్‌వ్యూ మిర్రర్. ఆగ్మెంటెడ్ రియాలిటీ నావిగేషన్ సిస్టమ్ కూడా అందుబాటులో ఉంటుంది.