SCR Special Trains: విశాఖ - చర్లపల్లి మధ్య ప్రత్యేక రైళ్లు.. స్టాపింగ్స్, టైమింగ్స్ ఇవే!

సంక్రాంతి సెలవులు ముగియడంతో సొంతూళ్ల నుంచి నగరాలకు తిరుగు ప్రయాణమయ్యే వారి సంఖ్య భారీగా పెరిగింది. ప్రయాణికుల రద్దీని దృష్టిలో ఉంచుకుని దక్షిణ మధ్య రైల్వే కీలక నిర్ణయం తీసుకుంది. విశాఖపట్నం - చర్లపల్లి (హైదరాబాద్) మధ్య ప్రత్యేక రైళ్లను ప్రకటించింది. ఈ నెల 18, 19 తేదీల్లో ఈ సేవలు అందుబాటులో ఉంటాయి.

రైళ్ల వివరాలు మరియు సమయాలు:

1. విశాఖపట్నం - చర్లపల్లి (రైలు నెం. 08517):

తేదీ: జనవరి 18 (ఆదివారం)

సమయం: మధ్యాహ్నం 3:50 గంటలకు విశాఖలో బయల్దేరి.. మరుసటి రోజు ఉదయం 7:30 గంటలకు చర్లపల్లి చేరుకుంటుంది.

2. చర్లపల్లి - విశాఖపట్నం (రైలు నెం. 08518):

తేదీ: జనవరి 19 (సోమవారం)

సమయం: ఉదయం 9:00 గంటలకు చర్లపల్లిలో బయల్దేరి.. మరుసటి రోజు అర్ధరాత్రి 12:30 గంటలకు విశాఖ చేరుకుంటుంది.

ఆగే స్టేషన్లు: దువ్వాడ, అనకాపల్లి, ఎలమంచిలి, అన్నవరం, సామల్ కోట, రాజమండ్రి, నిడదోవలు, రాయనపాడు, ఖమ్మం, వరంగల్, కాజీపేట స్టేషన్లలో ఈ రైళ్లు ఆగుతాయి. ఇందులో 2AC, 3AC, స్లీపర్, జనరల్ కోచ్‌లు అందుబాటులో ఉంటాయి.

వికారాబాద్ - తిరుపతి స్పెషల్ ట్రైన్

తిరుమల వెళ్లే భక్తుల కోసం జనవరి 19న వికారాబాద్ నుంచి తిరుపతికి ప్రత్యేక రైలు నడపనున్నారు.

సమయం: సాయంత్రం 4:15 గంటలకు వికారాబాద్‌లో బయల్దేరి.. మరుసటి రోజు ఉదయం 8:30 గంటలకు తిరుపతి చేరుకుంటుంది.

ముఖ్య స్టాపింగ్స్: లింగంపల్లి, సికింద్రాబాద్, చర్లపల్లి, నల్గొండ, మిర్యాలగూడ, సత్తెనపల్లి, గుంటూరు, తెనాలి, చీరాల, ఒంగోలు, నెల్లూరు, రేణిగుంట.