Pawan Kalyan: సీఎం చంద్రబాబుకు ప్రత్యేక ధన్యవాదాలు తెలిపిన డిప్యూటీ సీఎం పవన్ కల్యాణ్

సముద్రంలో చేపల వేటకు వెళ్లి ప్రాణాలు కోల్పోయిన మత్స్యకార కుటుంబాలకు ఆంధ్రప్రదేశ్ కూటమి ప్రభుత్వం అండగా నిలిచింది. ఈ విషయంలో ఉప ముఖ్యమంత్రి పవన్ కల్యాణ్ ప్రత్యేక చొరవ తీసుకొని, కాకినాడ జిల్లాకు చెందిన 18 బాధిత కుటుంబాలకు తక్షణమే ఆర్థిక సహాయం అందేలా కీలక పాత్ర పోషించారు.

ప్రభుత్వం ఒక్కో కుటుంబానికి రూ. 5 లక్షల చొప్పున, మొత్తం రూ. 90 లక్షల పరిహారాన్ని మంజూరు చేసింది. దురదృష్టవశాత్తు ప్రాణాలు విడిచిన మత్స్యకారుల కుటుంబాలను ఆదుకోవాలనే లక్ష్యంతో ఈ నిర్ణయం తీసుకున్నారు.

ఈ సందర్భంగా, మత్స్యకార కుటుంబాలకు అండగా నిలిచి, పరిహారం మంజూరుకు సహకరించినందుకు ముఖ్యమంత్రి చంద్రబాబు నాయుడుకు ఉప ముఖ్యమంత్రి పవన్ కల్యాణ్ ప్రత్యేకంగా ధన్యవాదాలు తెలియజేశారు. ప్రభుత్వం ప్రకటించిన ఈ ఆర్థిక సాయం బాధిత కుటుంబాలకు కొంతమేర ఊరట కలిగించనుంది.