Mahabalipuram: డీలిమిటేషన్‌పై సౌత్ వాయిస్ లోక్‌సభ సీట్లపై సీఎంల డిమాండ్!

Mahabalipuram: జాతీయ రాజకీయాలలో డీలిమిటేషన్ అంశం ఇప్పుడు హాట్ టాపిక్ గా మారింది. విజయవంతంగా జనాభాను నియంత్రించిన దక్షిణాదికి భవిష్యత్తులో లోక్‌సభ సీట్ల కేటాయింపులో అన్యాయం జరగకూడదని ముఖ్యమంత్రులు గట్టిగా వాదిస్తున్నారు. తాజాగా చెన్నైలో జరిగిన

సౌత్ జోన్ కౌన్సిల్ మీట్లో దక్షిణాది ముఖ్యమంత్రులు ఈ విషయాన్ని స్పష్టం చేశారు. ఒక్క ఆంధ్రప్రదేశ్ ముఖ్యమంత్రి చంద్రబాబు మాత్రం ఈ విషయంలో పరోక్షంగా బీజేపీకి మద్దతు ప్రకటించినట్లు సమాచారం.

తమిళనాడులోని మహాబలిపురంలో కేంద్ర హోంమంత్రి అమిత్ షా నేతృత్వంలో 31వ సదరన్ జోనల్ కౌన్సిల్ భేటీ జరిగింది. ఈ కీలక సమావేశంలో డీలిమిటేషన్ అంశం ప్రధాన చర్చనీయాంశంగా మారింది. జనాభా నియంత్రణను విజయవంతంగా సాధించిన దక్షిణాదికి భవిష్యత్తులో లోక్‌సభ సీట్ల కేటాయింపులో అన్యాయం జరగకూడదని ముఖ్యమంత్రులు గట్టిగా వాదించారు.

ప్రస్తుత జనాభా ప్రాతిపదికన లోక్ సభ సీట్ల విభజన జరిగితే పార్లమెంటులో దక్షిణాది వాయిస్ పెద్దగా వినిపించదని ముఖ్యమంత్రులు ఆందోళన వ్యక్తం చేశారు. అయితే కేంద్రంలో ఎన్డీయే భాగస్వామిగా ఉన్న ఆంధ్రప్రదేశ్ రాష్ట్ర ప్రభుత్వం మాత్రం కేంద్ర నిర్ణయాలకు పరోక్షంగా సపోర్ట్ చేస్తున్నట్లు తెలుస్తోంది. ఏదేమైనా దాదాపు దక్షిణాది రాష్ట్రాలన్నీ తమ హక్కుల పరిరక్షణ కోసం ఈ సమావేశంలో ఒకే గళం వినిపించడం విశేషం.

తమిళనాడు రాజకీయాల్లోనూ ఈ అంశం ఆసక్తి రేపుతోంది. ప్రస్తుతమున్న 543 సీట్ల ఆధారంగానే డీలిమిటేషన్ ను చేపట్టాలని ఆయన కోరారు. అంతేకాదు ఇదే అంశంపై కొన్ని రోజుల కిందట తమిళనాడు శాసనసభ ఒక తీర్మానం కూడా ఆమోదించింది. కాగా ఈ తీర్మానానికి తమిళనాడులోని బీజేపీ మినహా అన్ని రాజకీయ పార్టీలు మద్దతు తెలియచేయడం విశేషం.

మరోవైపు కర్ణాటక ముఖ్యమంత్రి డీకే శివకుమార్ కూడా తమ వాయిస్ స్పష్టం చేశారు. అంతేకాదు ప్రస్తుతమున్న 543 సీట్లను మరో 25 ఏళ్ల పాటు యథాతథంగా కొనసాగించాలని ఆయన డిమాండ్ చేశారు. ఇందులోనే మహిళలకు రిజర్వేషన్లు కల్పించాలని డీకే శివకుమార్ డిమాండ్ చేశారు.