ఓటీటీ డేట్ లాక్ చేసుకున్న సూర్య ‘వీరభద్రుడు’.. స్ట్రీమింగ్ ఎప్పుడంటే?

Suriya: కోలీవుడ్ స్టార్ హీరో సూర్య ప్రధాన పాత్రలో, వైవిధ్యభరిత దర్శకుడు ఆర్జే బాలాజీ తెరకెక్కించిన అత్యంత ప్రతిష్టాత్మక సోషియో ఫాంటసీ మాస్ యాక్షన్ డ్రామా ‘వీరభద్రుడు’. తమిళంలో ‘కరుప్పు’ పేరుతో భారీ అంచనాల మధ్య విడుదలైన ఈ చిత్రం, బాక్సాఫీస్ వద్ద సరికొత్త రికార్డులను సృష్టించింది. థియేటర్లలో సూర్య పవర్‌ఫుల్ పర్ఫార్మెన్స్‌కు ప్రేక్షకులు బ్రహ్మరథం పట్టారు. తాజాగా ఈ చిత్రం విజయవంతంగా 25 రోజులు పూర్తి చేసుకున్న సందర్భంలో, డిజిటల్ ప్రియుల కోసం ఒక మైండ్ బ్లాకింగ్ ఓటీటీ అప్‌డేట్ వచ్చేసింది.

అమెజాన్ ప్రైమ్ వీడియోలో గ్రాండ్ ఎంట్రీ!

థియేటర్లలో కాసుల వర్షం కురిపించిన సూర్య మాస్ కంబ్యాక్ ఫిల్మ్ ‘వీరభద్రుడు’ డిజిటల్ స్ట్రీమింగ్ హక్కులను ప్రముఖ ఓటీటీ సంస్థ అమెజాన్ ప్రైమ్ వీడియో సొంతం చేసుకుంది. ఈ క్రేజీ ప్రాజెక్ట్ జూన్ 12, 2026 నుండి ఓటీటీలో స్ట్రీమింగ్ కాబోతున్నట్లు అధికారికంగా ప్రకటించారు. ఈ మేరకు అమెజాన్ ప్రైమ్ వీడియో ఒక ప్రత్యేకమైన ఇన్‌స్టాగ్రామ్ ప్రకటన ద్వారా స్ట్రీమింగ్ తేదీని కన్ఫర్మ్ చేసింది. ఈ సినిమా కేవలం తమిళం, తెలుగులోనే కాకుండా మల్టిపుల్ లాంగ్వేజెస్‌లో వీక్షకులకు అందుబాటులోకి రానుంది.

బాక్సాఫీస్ వద్ద 300 కోట్ల క్లబ్.. ఊరమాస్ ర్యాంపేజ్!

వీరభద్రుడు చిత్రం సూర్య కెరీర్‌లోనే బిగ్గెస్ట్ మైల్‌స్టోన్‌గా నిలిచింది. ప్రపంచవ్యాప్తంగా థియేట్రికల్ రన్‌లో ఈ మూవీ ఏకంగా 300 కోట్ల రూపాయల గ్రాస్ కలెక్షన్లను రాబట్టి సరికొత్త రికార్డులను సృష్టించింది.

కోర్టు రూమ్ డ్రామా, ఒక చిన్నారి వైద్యం చుట్టూ తిరిగే పవర్‌ఫుల్ ఫాంటసీ ఎలిమెంట్స్ ప్రేక్షకులను విపరీతంగా ఆకట్టుకున్నాయి.

భారీ తారాగణం

ఈ సినిమాలో సూర్య సరసన గ్లామరస్ క్వీన్ త్రిష కృష్ణన్ కథానాయికగా నటించగా.. అనఘ రవి, ఇంద్రాన్స్, స్వసిక, శివద, సుప్రీత్ రెడ్డి, మన్సూర్ అలీ ఖాన్ కీలక పాత్రలు పోషించారు. డ్రీమ్ వారియర్ పిక్చర్స్ బ్యానర్‌పై ఎస్ఆర్ ప్రకాష్ బాబు, ఎస్ఆర్ ప్రభు అత్యంత భారీ బడ్జెట్‌తో నిర్మించిన ఈ చిత్రానికి సాయి అభ్యంకర్ అందించిన బ్యాక్‌గ్రౌండ్ స్కోర్ , సాంగ్స్ మేజర్ అస్సెట్‌గా నిలిచాయి. థియేటర్లలో ఈ యాక్షన్ విజువల్ వండర్‌ను మిస్ అయిన వారు జూన్ 12 నుండి అమెజాన్ ప్రైమ్‌లో వీక్షించవచ్చు.