Nandigama: నందిగామలో బీసీలకు 34 శాతం రిజర్వేషన్లపై హర్షం!

Nandigama: బీసీల హక్కులు, ఆత్మగౌరవం, రాజకీయ ప్రాతినిధ్యాన్ని కాపాడటమే తెలుగుదేశం పార్టీ ప్రభుత్వ ప్రధాన లక్ష్యమని టీడీపీ బీసీ నేతలు స్పష్టం చేశారు.

నందిగామ పట్టణంలోని రైతుపేట తెలుగుదేశం పార్టీ కార్యాలయంలో బీసీలకు 34 శాతం రిజర్వేషన్లను స్వాగతిస్తూ ముఖ్యమంత్రి నారా చంద్రబాబు నాయుడు, ఉప ముఖ్యమంత్రి పవన్ కళ్యాణ్, ప్రధానమంత్రి నరేంద్ర మోదీ చిత్రపటాలకు పాలాభిషేకం నిర్వహించారు.

ఈ సందర్భంగా టీడీపీ నేతలు మాట్లాడుతూ బీసీల అభ్యున్నతికి తెలుగుదేశం పార్టీ ఆవిర్భావం నుంచే ప్రత్యేక ప్రాధాన్యం ఇస్తోందన్నారు. బీసీలకు రాజకీయ, సామాజిక, ఆర్థిక రంగాల్లో సముచిత ప్రాతినిధ్యం కల్పించేందుకు ఎన్టీఆర్ ప్రారంభించిన సంక్షేమ, సాధికారత కార్యక్రమాలను చంద్రబాబు నాయుడు గారు కొనసాగిస్తున్నారని తెలిపారు.

బీసీలకు ఇచ్చిన మాటను నిలబెట్టుకున్న ప్రభుత్వం

బీసీలకు 34 శాతం రిజర్వేషన్ల అమలుకు కూటమి ప్రభుత్వం తీసుకున్న చర్యలు బీసీల సాధికారతకు మరో కీలక ముందడుగు అని నేతలు పేర్కొన్నారు. బీసీలకు రాజకీయంగా మరింత ప్రాతినిధ్యం, సామాజికంగా మరింత గౌరవం కల్పించడమే కూటమి ప్రభుత్వ లక్ష్యమన్నారు.

గత వైసీపీ ప్రభుత్వ హయాంలో బీసీలను కేవలం ఓటు బ్యాంకుగా ఉపయోగించుకున్నారని టీడీపీ నేతలు విమర్శించారు. బీసీలకు ఇచ్చిన హామీలను అమలు చేయకుండా అప్పటి ప్రభుత్వం వారిని మోసం చేసిందని ఆరోపించారు. బీసీల సంక్షేమం, అభివృద్ధి విషయంలో టీడీపీ ప్రభుత్వం మాటల్లో కాకుండా చేతల్లో చూపిస్తోందని అన్నారు.

చంద్రబాబు నాయుడు గారి నాయకత్వంలో కూటమి ప్రభుత్వం బీసీలకు అండగా నిలుస్తోందని, రాబోయే రోజుల్లో బీసీల ఆర్థిక, రాజకీయ సాధికారతకు మరిన్ని చర్యలు చేపడుతుందని టీడీపీ బీసీ నేతలు ధీమా వ్యక్తం చేశారు.

బీసీల అభ్యున్నతి కోసం టీడీపీ ప్రభుత్వం తీసుకుంటున్న నిర్ణయాలు చారిత్రాత్మకమని పేర్కొంటూ నాయకులు, కార్యకర్తలు హర్షం వ్యక్తం చేశారు. కార్యక్రమంలో రాష్ట్ర దాసరి కార్పొరేషన్ డైరెక్టర్,తెదేపా బీసీ నేతలు, స్థానికులు తదితరులు పాల్గొన్నారు.