Jagtial: కాంగ్రెస్ వైఫల్యాలను కప్పిపుచ్చుకునేందుకే యాగాలు జీవన్ రెడ్డి

Jagtial: ప్రభుత్వ వైఫల్యాలను కప్పిపుచ్చుకునేందుకే రేవంత్ రెడ్డి ప్రభుత్వం వరుణ యాగాలు చేస్తోందని మాజీ మంత్రి, బీఆర్ఎస్ రాష్ట్ర ప్రధాన కార్యదర్శి తాటిపర్తి జీవన్ రెడ్డి విమర్శించారు.

జగిత్యాల జిల్లా బీఆర్ఎస్ పార్టీ కార్యాలయంలో జిల్లా పరిషత్ తొలి మాజీ ఛైర్పర్సన్ దావా వసంత సురేష్, ఇతర నాయకులతో కలిసి ఆయన విలేకరుల సమావేశంలో మాట్లాడారు.

ప్రధాన ముఖ్యాంశాలు:

* యాగాలపై విమర్శ: ఎల్ నినో హెచ్చరికలను పట్టించుకోకుండా, సాగునీటి నిర్వహణ చేయకుండా ఇప్పుడు వరుణ యాగాలు చేయడం విస్మయం కలిగిస్తోంది.

* నీటి వినియోగంలో నిర్లక్ష్యం: శ్రీశైలం నిండినందున విద్యుత్ ఉత్పత్తి చేస్తూ సాగర్‌కు, నాగార్జున సాగర్ నీటిని వినియోగించుకోవాలి. కన్నెపల్లి వద్ద కాపర్ డ్యామ్, అన్నారం, సుందిళ్ల వద్ద సీపేజ్ పనులు పూర్తి చేస్తే శ్రీరాంసాగర్ వరకు రివర్స్ పంపింగ్ ద్వారా నీటిని అందించవచ్చు.

* హక్కుల కాలరాatha: GRMB వద్ద ఏపీ సీఎం చంద్రబాబు అభ్యంతరాలు చెబుతున్నా సీఎం రేవంత్ రెడ్డి నోరు మెదపకపోవడం తెలంగాణ హక్కులను తాకట్టు పెట్టడమే.

* హామీలు నెరవేర్చాలి: ఉచిత ఫసల్ బీమా యోజన హామీని కాంగ్రెస్ ప్రభుత్వం తక్షణమే అమలు చేయాలి.

ఈ సమావేశంలో బీఆర్ఎస్ పట్టణ అధ్యక్షుడు ఆయిల్నేని వెంకటేశ్వర రావు, మున్సిపల్ వైస్ చైర్మన్ పర్వీన్ మున్నా, నాయకులు దుర్గయ్య, రాజశేఖర్, హరీష్, ప్రవీణ్, రాధకిషన్ తదితరులు పాల్గొన్నారు.