ఘోర రోడ్డు ప్రమాదం..మహిళ ఎస్సై దుర్మరణం
Jagtial: జగిత్యాల జిల్లాలో ఘోరరోడ్డు ప్రమాదం జరిగింది. గొల్లపల్లి మండలం చిల్వాకోడూరు దగ్గర కారు-బైక్ ఢీకొన్న ఘటనలో ఎస్సై శ్వేతతోపాటు మరొకరు మరణించారు. కారు మొదట బైక్ ను ఢీ కొట్టి ఆ తర్వాత చెట్టును బలంగా ఢీ కొట్టింది. ఎస్సై శ్వేత కారును డ్రైవ్ చేస్తున్నారు. ఆర్నకొండ నుంచి జగిత్యాల వెళ్తుండగా ఈ ప్రమాదం చోటుచేసుకుంది. ఆమె డెడ్ బాడీని జగిత్యాల ఆసుపత్రికి తరలించారు. జగిత్యాల పోలీస్ హెడ్ క్వార్టర్స్ లో శ్వేత విధులు నిర్వర్తిస్తున్నారు. ఆమె గతంలో కోరుట్లు, వెల్గటూరు, కథలాపూర్, పెగడపల్లిలో ఎస్సైగా పనిచేశారు.
ఈ మధ్యే కోరుట్ల నుంచి జగిత్యాల డీసీఆర్బీకి ట్రాన్స్ ఫర్ అయ్యారు. సోమవారం రాత్రి స్వగ్రామం చొప్పదండి మండలం ఆర్నకొండుకు వచ్చి ఉదయం జగిత్యాలకు వెళ్తుండగా ఈ ప్రమాదం జరిగింది. బైకును తప్పించబోయే క్రమంలో ఆమె కారు చెట్టును బలంగా ఢీ కొట్టింది. ప్రమాదం జరిగిన సమయంలో సీటు బెల్టు పెట్టుకోకపోవడంతో స్పాట్ లోనే ఆమె ప్రాణాలు కోల్పోయారు. బైక్ వస్తున్న వ్యక్తి మల్యాల మండలం ముత్యంపేటకు చెందినవాడిగా గుర్తించారు.