జూబ్లీహిల్స్ అత్యాచార కేసులో దర్యాప్తు వేగవంతం.. ఎమ్మెల్యే కొడుకు వీడియోను పరిశీలిస్తున్న పోలీసులు

Hyderabad: జూబ్లీహిల్స్ అత్యాచార కేసులో దర్యాప్తు వేగవంతం చేశారు పోలీసులు. ఎమ్మెల్యే రఘునందన్ రిలీజ్ చేసిన ఆధారాల్లో ఎమ్మెల్యే కొడుకు వీడియోను పోలీసులు పరిశీలిస్తున్నారు. ఆ వీడియోను లీగల్ ఒపినియన్‌కోసం పంపించారు. ఎమ్మెల్యే కొడుకును సైతం నిందితుడిగా చేర్చే యోచనలో పోలీసులు ఉన్నారు. అయితే ఎమ్మెల్యే కొడుకు విదేశాలకు పారిపోయినట్లు తెలుస్తుంది. దీంతో పోలీసుల విచారణ కీలకంగా మారనుంది. ఎమ్మెల్యే కొడుకును నిందితుడిగా చేరిస్తే ఈ కేసులో నిందితుల సంఖ్య ఆరుకు చేరుకోనుంది.

బాలిక అత్యాచార కేసులో దర్యాప్తు ముమ్మరం చేశారు పోలీసులు. ఈ కేసులో సీజ్‌ చేసిన ఇన్నోవా, బెంజ్ కారును క్లూస్ టీమ్స్ పరిశీలించాయి. ఇందులో పలు కీలక ఆధారాలను ఫోరెన్సిక్‌ బృందాలు గుర్తించాయి. బెంజ్‌ కారులో తలవెంట్రుకలు, చెప్పు, చెవి రింగును గుర్తించారు. అలాగే ఫింగర్ ప్రింట్స్‌ను సైతం క్లూస్ టీమ్స్ సేకరించాయి.