హైదరాబాద్ ఫలక్నుమా పోలీస్స్టేషన్ కానిస్టేబుల్ ఈశ్వరయ్య రోడ్డుపై నానా హంగామా చేశాడు. పీకల దాకా తాగి గోశాల రోడ్డుపై ఊగుతూ పడిపోయాడు. మైకంలో ఉన్న కానిస్టేబుల్ ఈశ్వరయ్య ట్రాఫిక్కు తీవ్ర ఇబ్బందులు కలిగించాడు. దీంతో ట్రాఫిక్ పూర్తిగా స్తంభించింది.
రోడ్డుకు అడ్డంగా ఉన్న కానిస్టేబుల్ను పక్కకు జరగాలని అటుగా వెళ్లే వాహనదారులు కోరగా వారిపై చిందులు తొక్కాడు. పోలీస్ యూనిఫామ్ ధరించి ఫూటుగా మందుకొట్టి నానా రచ్చ చేసిన కానిస్టేబుల్ ఈశ్వరయ్యపై ఉన్నతాధికారులు చర్యలు తీసుకున్నారు. విషయం తెలుసుకున్న సీపీ అంజనీకుమార్ మద్యం సేవించి నడిరోడ్డుపై న్యూసెన్స్ చేసిన ఈశ్వరయ్యను సస్పెండ్ చేశారు.