WPL 2025: నేటి నుంచే ఉమెన్స్ ప్రీమియర్ లీగ్.. విన్నర్లకు ఎంత ప్రైజ్ మనీ అందుతుందో తెలుసా ?

WPL 2025: మహిళల ప్రీమియర్ లీగ్ 2025 నేటి నుంచి ప్రారంభం కానుంది. మొదటి రెండు సీజన్లు సక్సెస్ కావడంతో మూడో సీజన్ ప్రతిష్టాత్మకంగా నిర్వహిస్తున్నారు. ఈ టోర్నమెంట్ డిఫెండింగ్ ఛాంపియన్స్ రాయల్ ఛాలెంజర్స్ బెంగళూరుతో మ్యాచ్‌తో ప్రారంభమవుతుంది. మొదటి రోజు గుజరాత్ జెయింట్స్‌తో తలపడనుంది. కానీ ఈసారి ఏం స్పెషల్ ఉండబోతుందో, ఎంత ప్రైజ్ మనీ ఉంటుందో ? ఈ మ్యాచ్ లను ఎక్కడ చూడాలో తెలుసుకుందాం.

ఈసారి ప్రత్యేకత ఏమిటి?

ఉమెన్స్ ప్రీమియర్ లీగ్ 2025లో అత్యంత ప్రత్యేకమైన విషయం దాని వేదిక. ఈ టోర్నమెంట్ మొదటి సీజన్ ఒకే ఒక వేదికలో జరిగింది. ఈ సీజన్ మొత్తం ముంబైలోనే జరిగింది. రెండవ సీజన్ బెంగళూరు, ఢిల్లీలలో నిర్వహించారు.. అంటే అది 2 వేదికలలో జరిగింది. కానీ మహిళల ప్రీమియర్ లీగ్ 4 వేర్వేరు వేదికలలో జరగడం ఇదే మొదటిసారి. టోర్నమెంట్ మొదటి 6 మ్యాచ్‌లు వడోదరలో జరుగుతాయి. దీని తర్వాత, రెండవ లెగ్‌లోని 8 మ్యాచ్‌లు బెంగళూరులోని చిన్నస్వామి స్టేడియంలో నిర్వహిస్తారు. తరువాత చివరి దశలో 4 మ్యాచ్‌లు లక్నోలో, 4 మ్యాచ్‌లు ముంబైలో జరుగుతాయి. టోర్నమెంట్ ఎలిమినేటర్ మ్యాచ్ మార్చి 13న, ఫైనల్ మ్యాచ్ మార్చి 15న ముంబైలో జరుగుతుంది.

జట్టు, ఫార్మాట్, నియమాలు, ప్రైజ్ మనీ

WPL 2025 లో 5 జట్లు పాల్గొంటున్నాయి. వీటిలో రాయల్ ఛాలెంజర్స్ బెంగళూరు (స్మృతి మంధాన, కెప్టెన్), గుజరాత్ జెయింట్స్ (ఆష్లే గార్డనర్, కెప్టెన్), ముంబై ఇండియన్స్ (హర్మన్‌ప్రీత్ కౌర్, కెప్టెన్), ఢిల్లీ క్యాపిటల్స్ (మెగ్ లానింగ్, కెప్టెన్, యుపి వారియర్స్ (దీప్తి శర్మ, కెప్టెన్) ఉన్నాయి. ఈ టోర్నమెంట్‌లో 22 మ్యాచ్‌లు జరుగుతాయి. వాటిలో 20 మ్యాచ్‌లు గ్రూప్ దశలో ఉంటాయి. ప్రతి జట్టు మిగతా 4 జట్లతో రెండుసార్లు తలపడాలి. దీని తరువాత, గ్రూప్ దశలో నంబర్-1 జట్టు నేరుగా ఫైనల్‌కు వెళుతుంది. రెండు, మూడవ స్థానంలో ఉన్న జట్లు ఎలిమినేటర్ మ్యాచ్ ఆడతాయి. ఈ మ్యాచ్‌లో ఏ జట్టు గెలిస్తే ఆ జట్టు ఫైనల్‌కు చేరుకుంటుంది.

గత రెండు సీజన్లలో విజేత జట్టుకు రూ.6 కోట్ల ప్రైజ్ మనీ ఇవ్వగా, రన్నరప్ జట్టుకు రూ.3 కోట్ల ప్రైజ్ మనీ ఇచ్చారు. అత్యధిక పరుగులు చేసి, అత్యధిక వికెట్లు తీసిన ఆటగాడికి ఒక్కొక్కరికి రూ.5 లక్షలు లభించాయి. ఫైనల్ మ్యాచ్‌లో ప్లేయర్ ఆఫ్ ది మ్యాచ్‌కు రూ. 2.5 లక్షలు ఇచ్చారు. ఈసారి మార్పు గురించి బీసీసీఐ ఇంకా ఏం చెప్పలేదు. అంటే ఈసారి కూడా ప్రైజ్ మనీ గత 2 సీజన్ల మాదిరిగానే ఉంటుంది. WPL 2025 నియమాలలో పాత వాటినే కొనసాగిస్తున్నారు.

WPL 2025 ని ఎక్కడ చూడాలి?

WPL 2025 టీవీలో కూడా ప్రత్యక్ష ప్రసారం అవుతుంది. ఈ మహిళల T20 లీగ్ అన్ని మ్యాచ్‌లను వీక్షకులు స్పోర్ట్స్ 18 నెట్‌వర్క్‌లో భారత కాలమానం ప్రకారం రాత్రి 7.30 గంటల నుండి వీక్షించవచ్చు. మొబైల్‌లో లైవ్ స్ట్రీమింగ్‌ను ఆస్వాదించాలనుకునే అభిమానులు జియో సినిమాను ఫాలో కావాలి. అక్కడ మీరు మ్యాచ్‌ను ఉచితంగా చూడవచ్చు.

WPL 2025 గ్రూప్ స్టేజ్ షెడ్యూల్:

రాయల్ ఛాలెంజర్స్ బెంగళూరు vs గుజరాత్ జెయింట్స్ (వడోదర) - ఫిబ్రవరి 14

ఢిల్లీ క్యాపిటల్స్ vs ముంబై ఇండియన్స్ (వడోదర) - ఫిబ్రవరి 15

గుజరాత్ జెయింట్స్ vs UP వారియర్స్ (వడోదర) - ఫిబ్రవరి 16.

ఢిల్లీ క్యాపిటల్స్ vs రాయల్ ఛాలెంజర్స్ బెంగళూరు (వడోదర) - ఫిబ్రవరి 17.

గుజరాత్ జెయింట్స్ vs ముంబై ఇండియన్స్ (వడోదర) - ఫిబ్రవరి 18.

యుపి వారియర్స్ vs ఢిల్లీ క్యాపిటల్స్ (వడోదర) - ఫిబ్రవరి 19.

రాయల్ ఛాలెంజర్స్ బెంగళూరు vs ముంబై ఇండియన్స్ (బెంగళూరు) - ఫిబ్రవరి 21.

ఢిల్లీ క్యాపిటల్స్ vs యుపి వారియర్స్ (బెంగళూరు) - ఫిబ్రవరి 22.

రాయల్ ఛాలెంజర్స్ బెంగళూరు vs యుపి వారియర్స్ (బెంగళూరు) - ఫిబ్రవరి 24.

ఢిల్లీ క్యాపిటల్స్ vs గుజరాత్ జెయింట్స్ (బెంగళూరు) - ఫిబ్రవరి 25.

ముంబై ఇండియన్స్ vs యుపి వారియర్స్ (బెంగళూరు) - ఫిబ్రవరి 26.

రాయల్ ఛాలెంజర్స్ బెంగళూరు vs గుజరాత్ జెయింట్స్ (బెంగళూరు) - ఫిబ్రవరి 27.

ఢిల్లీ క్యాపిటల్స్ vs ముంబై ఇండియన్స్ (బెంగళూరు) - ఫిబ్రవరి 28.

రాయల్ ఛాలెంజర్స్ బెంగళూరు vs ఢిల్లీ క్యాపిటల్స్ (బెంగళూరు) - మార్చి 1.

యుపి వారియర్స్ vs గుజరాత్ జెయింట్స్ (లక్నో) - మార్చి 3.

యుపి వారియర్స్ vs ముంబై ఇండియన్స్ (లక్నో) - మార్చి 6.

గుజరాత్ జెయింట్స్ vs ఢిల్లీ క్యాపిటల్స్ (లక్నో) - మార్చి 7.

యుపి వారియర్స్ vs రాయల్ ఛాలెంజర్స్ బెంగళూరు (లక్నో) - మార్చి 8.

ముంబై ఇండియన్స్ vs గుజరాత్ జెయింట్స్ (ముంబై) - మార్చి 10.

ముంబై ఇండియన్స్ vs రాయల్ ఛాలెంజర్స్ బెంగళూరు (ముంబై) - మార్చి 11.