జోర్డాన్‌ స్టన్నింగ్‌ క్యాచ్‌

ఆస్టేలియాలో జరుగుతున్న బిగ్‌ బాష్‌ లీగ్‌ లో క్రికెటర్లు ‎ఫిల్డింగ్ స్టంట్స్ తో అదరగొడుతున్నారు. ఆఫ్గాన్ స్పిన్నర్ అహ్మద్ వినూత్న సంబరాలతో అదగొట్టిని సంగతి తెలిసిందే. అయితే తాజాగా ఇంగ్లండ్‌ స్టార్‌ బౌలర్‌ క్రిస్‌ జోర్డాన్‌ కళ్లు చెదిరే క్యాచ్‌తో హాట్‌టాపిక్‌గా మారాడు. ప్రస్తుతం దీనికి సంబంధించిన ఓ వీడియో ఐసీసీ, బీబీఎల్ ట్విటర్ లో పోస్టు చేశాయి. బిగ్‌‌బాష్‌‌లీగ్‌‌లో భాగంగా మెల్‌బోర్న్‌ వేదికగా రెనిగేడ్స్‌, పెర్త్‌ స్కాచర్స్‌ల మధ్య జరిగిన మ్యాచ్‌లో క్రిస్‌ జోర్డాన్‌ స్టన్నింగ్ క్యాచ్ పట్టాడు.

ఈ మ్యాచ్ లో పెర్త్ స్కార్చర్స్ జట్టు తరపున క్రిస్ జోర్డాన్ ప్రాతినిధ్యం వహిస్తున్నాడు. ఆ జట్టు ఆటగాడు బౌలర్ ఫవాద్‌ అహ్మద్‌ వేసిన 18వ ఓవర్లో క్రిస్టియన్ భారీ షాట్ ఆడాడు. లాంగాన్ మీద ఫీల్డింగ్ చేస్తున్న జోర్దాన్ డైవ్ చేసి క్యాచ్ పట్టుకున్నాడు. ఈ మ్యాచ్ లో క్రిస్టియాన్‌ డకౌట్ అయ్యాడు. జోర్దాన్ డైవ్ క్యాచ్‌ వీడియో నెట్టింట్లో వైరల్ అయింది. ఈ వీడియో చూసిన వారంతా జోర్దాన్ డైవ్ క్యాచ్ ను ప్రసంశలతో ముంచెత్తున్నారు. ఐపీఎల్‌ -2020 వేలంలో క్రిస్‌ జోర్డాన్‌ను పంజాబ్‌ ఫ్రాంచైజీ రూ. 3 కోట్లకు వేలంలో దక్కించుకుంది.