India vs South Africa 2nd test: సాధికారక విజయం

పుణె వేదికగా జరిగిన దక్షిణాఫ్రికాతో జరుగుతున్న రెండో టెస్టు మ్యాచ్‌లో భారత్ జట్టు ఘనవిజయం సాధించింది. ఈ మ్యాచ్ లో భారత్ ఇన్నింగ్స్ 137 పరుగుల తేడాతో సౌతాఫ్రికాను ఓడించి 2-0 సిరీస్ కైవసం చేసుకుంది. మ్యాచ్‌లో ఫాలోఆన్ ఆడిన సఫారీలు మూడో సెషన్ ఆరంభంలోనే 189 పరుగులకు అలౌటయ్యింది.

ఈ టెస్టు మ్యాచ్‌లో టాస్ గెలిచి మొదట బ్యాటింగ్ చేసిన భారత్ తొలి ఇన్నింగ్స్‌ని 601/5తో డిక్లేర్ చేసింది. అనంతరం దక్షిణాఫ్రికా తొలి ఇన్నింగ్స్‌లో 275 పరుగులకే ఆలౌటైంది. కాగా.. 326 పరుగుల భారత్ జట్టు తొలి ఇన్నింగ్స్ ఆధిక్యాన్ని అందుకుంది. కాగా రెండో ఇన్నింగ్స్ ఫాలోఆన్ ఆడించి 189 పరుగులకే కుప్పకుల్చగలిగింది.