Hari Hara Veera Mallu First Review: కేకపెట్టిస్తున్న ఫస్ట్ రివ్యూ.. క్లైమాక్స్‌‌లో పూనకాలే..

Hari Hara Veera Mallu First Review:  పవన్ కళ్యాణ్ ప్రస్తుతం రాజకీయాల్లో ఎంత బిజీగా ఉన్నా, ఆయన అభిమానులకు పండుగే. ఎందుకంటే మళ్లీ వెండితెరపై పవర్ స్టార్ సందడి చేయడానికి సిద్ధమయ్యారు. ఆయన నూతన చిత్రం "హరిహర వీరమల్లు" ఈ నెల జూలై 24న ప్రపంచవ్యాప్తంగా గ్రాండ్ రిలీజ్ కాబోతోంది. పీరియాడిక్ యాక్షన్ అడ్వెంచర్ గా తెరకెక్కిన ఈ చిత్రం పై ఇప్పటికే అంచనాలు ఆకాశాన్నంటుతున్నాయి.

తాజాగా ఈ సినిమాకు సెన్సార్ బోర్డు యూ/ఏ సర్టిఫికేట్ మంజూరు చేసింది. ఇందుకు సంబంధించిన రిపోర్ట్ ప్రస్తుతం సోషల్ మీడియాలో వైరల్ అవుతోంది. సినిమాలో ముఖ్యమైన సన్నివేశాలు, హైలైట్ సీన్ల వివరాలు ఆసక్తికరంగా మారాయి.

హైలైట్స్ ఏమిటంటే...

17వ శతాబ్దం నేపథ్యంగా ముగల్ సామ్రాజ్యంలో ఔరంగజేబ్ చేసిన హింసను అత్యంత శక్తివంతంగా చూపించనున్నారని సమాచారం.

హిందువులపై ముత్సద్దీగా విధించిన పన్ను నిబంధనకు వ్యతిరేకంగా వీరమల్లు పోరాటం – ఇది సినిమా ప్రధాన బలమని తెలుస్తోంది.

విజయవాడ సమీపంలో ఉన్న కొల్లూర్ లో దొరికిన కోహినూర్ వజ్రం నిజాం వద్దకు ఎలా వెళ్లింది? ఆ తరువాత అది బ్రిటిష్ అధికారుల చేతికి ఎలా చేరింది? అనే ఆసక్తికర కథనం చుట్టూ సినిమా తిరగనుంది.

ఈ వజ్రాన్ని తిరిగి దొంగిలించాల్సిన బాధ్యత వీరమల్లుకే అప్పగిస్తారు. ఆ మిషన్‌ ఎలా పూర్తి చేస్తాడనేది కథలో కీలకంగా మారుతుంది.

క్లైమాక్స్ అద్భుతం – థియేటర్‌ను కంపించించనున్న సీన్

ఇంటర్వెల్ ముందు, తరువాత వచ్చే రెండు యాక్షన్ సీక్వెన్స్‌లు సీట్ ఎడ్జ్ ఎక్స్‌పీరియెన్స్ ఇవ్వనున్నాయి.

క్లైమాక్స్ ఫైట్ సీన్‌ను స్వయంగా పవన్ కళ్యాణ్ పర్యవేక్షించి కంపోజ్ చేయడం, కీరవాణి ఇచ్చిన బ్యాక్‌గ్రౌండ్ స్కోర్ – థియేటర్లను దద్దరిల్లేలా చేయనున్నాయట.

ఈ ఫైట్ ప్రేక్షకులకు పూనకాలే కాకుండా, విజువల్ గాడ్ లెవల్ అనిపించేలా ఉండబోతోందని సెన్సార్ టాక్ చెబుతోంది.

విశేషాలు...

ఈ చిత్రాన్ని క్రిష్ మరియు జ్యోతి కృష్ణ కలిసి దర్శకత్వం వహిస్తున్నారు.

పవన్ కళ్యాణ్ చారిత్రక యోధుడిగా దర్శనమివ్వనుండగా, నిధి అగర్వాల్ కథానాయికగా కనిపించనుంది.

అనసూయ, బాబీ దేవోల్, అనుపమ్ ఖేర్, నోరా ఫతేహి, జిషు సేన్ గుప్తా వంటి ప్రముఖులు కీలక పాత్రల్లో నటిస్తున్నారు.

తెలుగు, హిందీ, తమిళ, కన్నడ, మలయాళ భాషల్లో పాన్ ఇండియా మూవీగా విడుదలవుతున్న ఈ చిత్రం, అభిమానులకు విజువల్ ట్రీట్‌గా నిలవబోతోంది.

పవన్ కళ్యాణ్ నటించిన "హరిహర వీరమల్లు" — ఇది మామూలు యాక్షన్ సినిమా కాదు. చారిత్రక నేపథ్యంలో, సమాజాన్ని ఆలోచింపజేసే అంశాలతో కూడిన మాస్ ఎంటర్‌టైనర్. అభిమానులు ఎప్పటి నుంచో ఎదురుచూస్తున్న ఈ సినిమాతో పవన్ మళ్లీ బాక్సాఫీస్‌ని షేక్ చేయడం ఖాయం!