"గని" సినిమా బాగాలేదని అల్లు అరవింద్ ముందే చెప్పారా?

Allu Arvind: ఈ మధ్యనే "గద్దలకొండ గణేష్" సినిమా తో హిట్ అందుకున్న మెగా హీరో వరుణ్ తేజ్ తాజాగా ఇప్పుడు కిరణ్ కొర్రపాటి అనే కొత్త దర్శకుడితో కలిసి "గని" అనే సినిమాతో ప్రేక్షకుల ముందుకు వచ్చారు. సాయి మంజ్రేకర్ హీరోయిన్గా నటించిన ఈ స్పోర్ట్స్ డ్రామా లో వరుణ్ తేజ్ బాక్సర్ పాత్రలో కనిపించారు. ఈ సినిమా ఏప్రిల్ 8, 2022 న థియేటర్లలో విడుదలైంది కానీ ఫ్లాప్ టాక్ తో ముందుకు వెళుతోంది. అయితే తాజాగా ఈ సినిమా గురించి అల్లు అరవింద్ చెప్పిన మాటలు ఇప్పుడు సోషల్ మీడియాలో వైరల్ గా మారాయి.

నిజానికి ఈ సినిమా చూసిన నప్పుడు అల్లు అరవింద్ ఈ సినిమా బాక్సాఫీస్ వద్ద పెద్దగా ఆడదని, కొన్ని మార్పులు చేయడం మంచిదని సలహా ఇచ్చారట. కానీ ఈ సినిమాని నిర్మిస్తున్న అల్లు అరవింద్ పెద్ద కుమారుడు అల్లు బాబీ మరియు డైరెక్టర్ కిరణ్ మాత్రం అల్లు అరవింద్ మాటలు వినలేదని తెలుస్తోంది. మళ్లీ మళ్లీ ఈ సినిమాని రీషూట్ చేయటం ఇష్టంలేక అలానే విడుదల చేశారు దర్శక నిర్మాతలు. కానీ సినిమా విడుదలైన మొదటి రోజు నుంచే ఫ్లాప్ టాక్ ను అందుకుంటుంది. డిస్ట్రిబ్యూటర్లు కూడా భారీ నష్టాలు కలగడంతో తలలు పట్టుకుంటున్నారు.