Live Updates:ఈరోజు (జూన్-21) ఆంధ్రప్రదేశ్-తెలంగాణా బ్రేకింగ్ న్యూస్!

- సూర్యగ్రహణం సందర్భంగా టీటీడీ కరోనా వ్యాధి నుంచి ప్రపంచ మానవాళిని రక్షించాలని గ్రహణ శాంతి జపయజ్ఞం నిర్వహించింది.

- సూర్యగ్రహణ సమయం ఉదయం 10:18 గంటల నుంచి మధ్యాహ్నం 1:35 గంటల వరకు ఈ యజ్ఞం నిర్ప్రవహించారు.

- పంచ శాంతి, సృష్టిలోని సకల జీవరాశులు ఆయురారోగ్యాలతో ఉండాలని కోరుతూ తిరుమల శ్రీవారి పుష్కరిణిలో ఈ జపయజ్నం నిర్వహించారు.

- ఇందులో శ్రీవారి అర్చకులు, జీయంగార్లు, శ్రీవారి సేవకులు ప్రముఖ వేద పారాయణదారులు పాల్గొని జపహోమ అభిషేకాలను నిర్వహించారు.

- ముగిసిన సూర్యగ్రహణం 

- ఆకాశంలో ఆవిస్క్రుతమైన అద్భుత దృశ్యాలు 

- ఆసక్తితో వీక్షించిన ప్రజలు 

నెల్లూరు జిల్లా చేజర్ల మండలం పెరుమాళ్ళపాడు గ్రామం వద్ద ఇసుక లో కూరుకుపోయి బయటకు తీసిన నాగేశ్వర స్వామి శివాలయం ను ప్రజల సందర్శన తాకిడి ఎక్కువ కావడంతో దేవాలయం కు వెళ్లేందుకు నిషేధిస్తూ ఆలయానికి వెళ్లేందుకు ఉన్న ప్రధాన రహదారిని ముళ్ళకంప తో మూసేసిన అధికారులు.. పెన్నా బ్రిడ్జి దాటిన వెంటనే ప్రత్యేక పోలీసు పికెటింగ్ ఏర్పాటు చేసి ఎవరిని ఆ ఆలయ పరిసర ప్రాంతాలకు వెళ్లి వచ్చేందుకు నిరాకరిస్తూ వచ్చే భక్తులను నిలుపుదల చేస్తున్న పోలీసులు...

*ఆలయ స్థలాలను క్షుణ్నంగా పరిశీలించి గుడిని పూర్తిస్థాయిలో ప్రత్యేక పద్ధతిలో బయటికి తీసే వరకు ఎవరిని ఆలయ పరిసర ప్రాంతాలకు వెళ్లకుండా దేవాలయం వద్ద కూడా ముళ్ల కంచెను ఏర్పాటు చేసిన గ్రామస్థులు..

- ఉత్తర ఒడిసా పరిసరాల్లో ఉపరితల ఆవర్తనం ఏర్పడింది.

- రాజస్థాన్‌ నుంచి మధ్య భారతం, ఉత్తర ఒడిసాలోని ఆవర్తనం మీదుగా బంగాళాఖాతం వరకు ద్రోణి కొనసాగుతోంది.

- వీటి ప్రభావంతో రుతుపవనాలు చురుగ్గా మారే అవకాశం ఉంది.

- దీంతో రానున్న రెండు రోజులపాటు కోస్తాలో అనేక చోట్ల, రాయలసీమలో అక్కడక్కడ వర్షాలు కురుస్తాయని వాతావరణ శాఖ ప్రకటించింది.

- శనివారం ఉత్తర కోస్తాలో పలుచోట్ల ఒక మోస్తరు వర్షాలు కురిశాయి. 

ఆకాశవీధిలో అద్భుతం జరగబోతోంది. అరుదైన వార్షిక సూర్యగ్రహణం కొద్ది సేపట్లో ఆవిష్కృతం కాబోతోంది. సూర్య గ్రహణం అనగానే రాహువు..కేతువు అంటూ పెద్దలు చెప్పే కబుర్లు గుర్తొస్తాయి. అయితే, ఖగోళ శాస్త్రజ్ఞులకు మాత్రం గ్రహణం అనగానే ఎన్నో విషయాలపై వారు చేసే ప్రయోగాలకు ప్రత్యేకరోజుగా ఉంటుంది. ఈసారి వస్తున్న ఈ సూర్య గ్రహణానికి ఓ ప్రత్యేకత ఉంది.

-పూర్తి కథనం 

అమ్మ ఊపిరి పోస్తే.. నాన్న జీవితపు ఉషస్సులను చూపిస్తాడు..

అమ్మ గోరుముద్దలతో కడుపు నింపితే.. నాన్న తర్జనితో ప్రపంచపు జీవనచిత్రాన్ని చూపిస్తాడు..

అమ్మ కడుపున దాచుకుని మోస్తే..నాన్న భుజాలపైకి ఎక్కించుకుని జీవితపు ఎత్తు పల్లాలను కళ్ళ ముందుంచుతాడు!

నాన్నంటే ఓదార్పు.. నాన్నంటే గుప్పెడంత గుండెలో దాగిన అనంతమైన ప్రేమామృతం.. నాన్నంటే బాధ్యత.. నాన్నంటే వెన్నంటి ఉండే ధైర్యం అన్నీ ఎందుకు నాన్నంటే నాన్న అంతే!

ఫాదర్స్ డే సందర్భంగా ప్రతి ఒక్కరికీ శుభాభినందనలు!

ఫాదర్స్ డే ప్రత్యెక కథనం నాన్నకు వందనం!

- చింతపల్లి గ్రామంలో కరోనా కలకలం రేగింది.

- గ్రామంలో పలువురికి కరోనా లక్షణాలు ఉన్నట్లు గుప్పుమనడంతో గ్రామంలో ప్రజలతోపాటు మన్యవాసులలో ఆందోళన మొదలైంది.

- కరోనా కలకలంతో అప్రమత్తమైన అధికారులు లక్షణాలు కలిగిన వ్యక్తిని హుటాహుటిన కరోనా వైద్య పరీక్షల నిమిత్తం విశాఖపట్నం తరలించారు.

- అనంతరం కరోనా లక్షణాలు కలిగిన వ్యక్తి యొక్క కుటుంబ సభ్యులు ముగ్గురిని ఐసోలేషన్ కు తరలించారు.

- స్థానికంగా దుకాణ సముదాయాలను అధికారులు వెంటనే మూయించారు. 

- పూర్తి వివరాలు