స్నేక్ క్యాచర్స్ పాముని తోక పట్టుకుంటారేమో అనిపించినా, దీని వెనుక బలమైన కారణాలే ఉన్నాయి.

పాములు భూమిపై కనిపించే అతి ప్రమాదకరమైన జీవుల్లో ఒకటి. విషపూరితమైనవైనా, విషం లేనివైనా సరే, పాము అనే పేరు వింటేనే భయం వేస్తుంది. పాములు అనేక కారణాల వల్ల మన నివాస ప్రాంతాల్లోకి వస్తుంటాయి అడవుల తగ్గుదల, వాతావరణ మార్పులు, భారీ వర్షాలు కారణంగా అవి తేరప్రాంతాల్లోకి వస్తాయి. ఇలా ఇంట్లో పాము కనిపిస్తే అది విషసర్పమైతే పరిస్థితి మరింత ప్రమాదంగా మారుతుంది.

అలాంటి సమయంలో స్థానికులు స్నేక్ క్యాచర్స్ లేదా రెస్క్యూకు కాల్ చేస్తారు. వారు ఎంతో నైపుణ్యంతో, అనుభవంతో ఏవిధమైన పామునైనా బంధించి, గోనె సంచిలో వేసి అటవీ ప్రాంతంలో విడిచి పెడతారు. పాము శరీరంలోని అన్ని భాగాల్లో కంటే తోక భాగంలో ఎముకలు తక్కువగా ఉంటాయి. దీంతో దాని బలం కూడా తక్కువగా ఉంటుంది. అందుకే నిపుణులు పాము తోకను పట్టుకుని దానిని సురక్షితంగా నియంత్రిస్తారు.

పాము తోక భాగం తక్కువ సంచలనాన్ని కలిగించే ప్రాంతం. అంటే, దాని ద్వారా శరీరాన్ని నియంత్రించలేకపోతుంది. నిపుణులు ఈ సమయంలో పాము తోకను కాస్త తిప్పుతూ దానిని తమ శరీరం నుంచి దూరంగా ఉంచుతారు. ఈ విధానం వల్ల పాము దగ్గరికి రాలేదు, కాటు వేయలేదు. అయినప్పటికీ, ఇది అన్ని రకాల పాములకూ సరిపడే పద్ధతి కాదు. ఉదాహరణకు కోబ్రా, వైపర్ వంటి పాములు చాలా వేగంగా, శక్తిగా స్పందించగలవు. కనుక ఈ పనిలో అనుభవం, జ్ఞానం ఎంతో అవసరం.

ఇదే కారణంగా, పామును బంధించే పని స్నేక్ క్యాచర్లే చేయాలి. వారు పాము జాతి, అలవాట్లు, దాని హావభావాల పట్ల పూర్తి అవగాహనతో పనిచేస్తారు. సామాన్యులు స్వయంగా ప్రయత్నించరాదు. చిన్న పొరపాటు కూడా ప్రాణాంతకంగా మారవచ్చు.

గమనిక: ఇది మీ అవగాహన కోసం మాత్రమే. పాములు కనిపించినప్పుడు తప్పనిసరిగా స్థానిక అటవీ శాఖ లేదా అనుభవజ్ఞులైన స్నేక్ క్యాచర్లను సంప్రదించండి.