Uterine Cancer: నిర్లక్ష్యం చేస్తే ప్రమాదమే..గర్భాశయ క్యాన్సర్‌ను గుర్తించడం ఎలా?

Uterine Cancer: ప్రస్తుతం మహిళల్లో గర్భాశయ క్యాన్సర్ కేసులు ఆందోళనకరంగా పెరుగుతున్నాయి. దీనిని నివారించడానికి ప్రభుత్వ స్థాయిలో టీనేజ్ అమ్మాయిలకు టీకాలు కూడా వేస్తున్నారు. అయితే, గర్భాశయ క్యాన్సర్ ఎందుకు వస్తుంది అనే దానిపై ఇంకా పరిశోధనలు జరుగుతున్నాయి. కొన్ని అంశాలు మాత్రం దీనికి కారణం కావచ్చని గుర్తించారు. సకాలంలో ఈ క్యాన్సర్‌ను గుర్తిస్తే ప్రాణాపాయం నుంచి తప్పించుకోవచ్చు. మరి గర్భాశయ క్యాన్సర్ ప్రారంభ లక్షణాలు ఏమిటి? దానిని ఎలా గుర్తించాలి? వివరంగా తెలుసుకుందాం.

గర్భాశయ క్యాన్సర్ మహిళల్లో వచ్చే క్యాన్సర్ కేసుల్లో అత్యధికంగా ఉంటుంది. ప్రారంభ దశలో ఈ క్యాన్సర్ లక్షణాలు బయటపడవు. సమస్య ఎక్కువైన తర్వాత మాత్రమే గుర్తించగలుగుతారు. కొన్నిసార్లు ఇది గర్భాశయం వెలుపలికి కూడా వ్యాపిస్తుంది. అప్పుడు చికిత్స కష్టమవుతుంది. అయితే, గర్భాశయ క్యాన్సర్ ప్రారంభంలో కొన్ని లక్షణాలు కనిపిస్తాయి. ఆ లక్షణాలను గుర్తించి వెంటనే టెస్టులు చేయించుకోవాలి. తద్వారా సకాలంలో చికిత్స తీసుకోవడం ద్వారా ప్రాణాలను కాపాడుకోవచ్చు.

ఈ లక్షణాలు ఉండవచ్చు

గర్భాశయ క్యాన్సర్ ప్రారంభంలో కొన్ని లక్షణాలు కనిపిస్తాయి. వాటిలో అసాధారణ రక్తస్రావం, నెలసరి ముందు లేదా తర్వాత రక్తస్రావం, కడుపు దిగువ భాగంలో నొప్పి, సంభోగం సమయంలో నొప్పి వంటివి ఉంటాయి. అంతేకాకుండా అలసట, బరువు తగ్గడం, ఆకలి లేకపోవడం కూడా దీని లక్షణాలు కావచ్చు.

పైన పేర్కొన్న కారణాలతో పాటు ఈ లక్షణాలు మీకు కనిపిస్తే, వాటిని నిర్లక్ష్యం చేయకుండా వెంటనే డాక్టర్‌ను సంప్రదించండి. డాక్టర్ కొన్ని టెస్టులు చేస్తారు. దాని తర్వాత ఒక నిర్ధారణకు వస్తారు. గర్భాశయ క్యాన్సర్ నిర్ధారణ అయితే వెంటనే చికిత్స ప్రారంభించబడుతుంది.

ఇలా నివారించవచ్చు

గర్భాశయ క్యాన్సర్ రాకుండా ఉండాలంటే టీనేజ్ వయస్సులో టీకాలు వేయించుకోండి. మీకు డయాబెటిస్ ఉంటే షుగర్ లెవల్ కంట్రోల్ ఉంచుకోండి. మీ జననేంద్రియాల పరిశుభ్రతను జాగ్రత్తగా చూసుకోండి. ఏదైనా సమస్య అనిపిస్తే నిర్లక్ష్యం చేయకుండా వెంటనే డాక్టర్‌ను చూపించండి. గర్భాశయ క్యాన్సర్‌ను ప్రారంభ దశలో పూర్తిగా నయం చేయవచ్చు. గర్భాశయ క్యాన్సర్‌కు ఐదు దశలు ఉంటాయి. మూడు దశల వరకు దీనికి పూర్తిగా చికిత్స సాధ్యమవుతుంది.