Cardamom: ఆహారానికి సువాసన ఇచ్చే యాలకుల్లో ఔషధ గుణాలు ఉంటాయి. ఇవి శరీరంలో వాత, పిత్త, కఫాలను సమతూకంలో ఉంచడంలోనూ సహాయపడతాయి. జీర్ణశక్తి మొదలుకుని శ్వాసవ్యవస్థ పనితీరు మెరుగుదల వరకు పలు రకాలుగా యాలకులను ఉపయోగిస్తుంటారు. రాత్రి పడుకునే ముందు రెండు యాలకులు తింటే ఆరోగ్యానికి ఎన్నో ప్రయోజనాలు కలుగుతాయి.
జీర్ణవ్యవస్థకు : యాలకులతో జీర్ణవ్యవస్థకు ఎంతో ప్రయోజనం చేకూరుతుంది. తిన్న తర్వాత కడుపుబ్బరం అనిపిస్తే యాలకులు నమిలితే ఉపశమనం దొరుకుతుంది. రాత్రి పడుకునే ముందు యాలకులు తింటే గ్యాస్, ఎసిడిటీ, మలబద్ధకం వంటి పొట్ట సమస్యలు తగ్గిపోతాయి.
సహజ డిటాక్స్: యాలకులకు డైయూరెటిక్ గుణాలు ఉంటాయి. శరీరంలో పేరుకున్న మలినాలు బయటికి పోతాయి.ఆవిధంగా కిడ్నీల ఆరోగ్యానికి అండగా నిలుస్తాయి. శరీరానికి ఉన్న సహజ డిటాక్స్ క్రమాన్ని యాలకులు మెరుగుపరుస్తాయి.
నోటి దుర్వాసన దూరం: రాత్రి వేళ యాలకులు నమిలితే నోటి దుర్వాసన దూరం అవుతుంది. దంతాలు, చిగుళ్లకు హానికరమైన బ్యాక్టీరియా నుంచి రక్షణ కల్పిస్తుంది.
బరువు తగ్గిస్తాయి: యాలకులు శరీర జీవక్రియలను నెమ్మది చేస్తాయి. వీటిలో ఉండే థర్మోజెనిక్ గుణాలు శరీరంలో క్యాలరీలను సమర్థంగా కరిగిస్తాయి. రాత్రివేళ యాలకులు తింటే బరువు తగ్గడానికి సహాయం చేస్తాయి.
ఒత్తిడిని తగ్గిస్తాయి: యాలకుల సుగంధం మనసుకు ప్రశాంతంగా ఉంటుంది. ఒక కప్పు యాలకుల టీ తాగితే శరీరంలో స్ట్రెస్ హార్మోన్ కార్టిసోల్ స్థాయిలు అదుపులో ఉంటాయి. అలా ఒత్తిడి నుంచి ఉపశమనం దొరుకుతుంది. మూడ్ కూడా మెరుగుపడుతుంది.
చర్మం, జుట్టు ఆరోగ్యం: ఆరోగ్యం విషయంలోనే కాదు యాలకులు చర్మం, జుట్టు విషయంలో కూడా మేలుచేస్తాయి. వీటిలో ఉండే యాంటీ ఆక్సిడెంట్లు రక్త సరఫరాను మెరుగుపరుస్తాయి. దీంతో చర్మం మెరిస్తుంది. యాంటి బ్యాక్టీరియల్ గుణాలు మొటిమలపై పోరాడతాయి. యాలకుల్లో ఉండే పోషకాలు జుట్టును బలంగా చేకూర్చడంతోపాటు చుండ్రును నివారిస్తాయి.