Sleeping Tips: ప్రశాంతమైన నిద్ర కోసం.. రాత్రి వీటిని తప్పక తినండి..!

Sleeping Tips: మనిషికి జీవితంలో 7 నుండి 8 గంటలు నిద్ర అవసరం. సరైన నిద్ర లేకపోవడం వల్ల ఆరోగ్య సమస్యలు వస్తాయి. కాబట్టి, మంచి ఆరోగ్యానికి మంచి నిద్ర కూడా చాలా ముఖ్యం. కానీ కొంతమంది ఒత్తిడి లేదా ఇతర కారణాల వల్ల సరిగ్గా నిద్రపోలేరు . ముఖ్యంగా కొంతమంది కళ్ళు మూసుకున్నా నిద్ర రాదని చెబుతారు. అయితే, అలాంటి వారు వీటిని తింటే మంచిగా నిద్ర పోతారని నిపుణులు చెబుతున్నారు.

బాదం:

బాదం నిద్ర నాణ్యతను మెరుగుపరచడంలో సహాయపడుతుంది. బాదంపప్పులో మెలటోనిన్ ఉంటుంది. మెలటోనిన్ మీ నిద్ర విధానాలను మెరుగుపరుస్తుంది. ఇది మీకు మంచి నిద్ర పొందడానికి సహాయపడుతుంది.

డార్క్ చాక్లెట్:

డార్క్ చాక్లెట్ నిద్రను ప్రోత్సహించే ఉత్తమ స్నాక్స్‌లో ఒకటి. డార్క్ చాక్లెట్‌లో సెరోటోనిన్ కూడా ఉంటుంది. అది మనసును ప్రశాంతపరుస్తుంది. ఇది మీకు మంచి నిద్ర పొందడానికి సహాయపడుతుంది.

కివి పండు:

కివి పండులో విటమిన్లు, ఖనిజాలు పుష్కలంగా ఉంటాయి. ముఖ్యంగా పోటాషియం, ఫోలేట్, విటమిన్లు సి, ఇ కివి పండులో ఉంటాయి. ఇవి నిద్రను మెరుగుపరచడంలో సహాయపడుతాయి.

చెర్రీస్:

చెర్రీస్ లో మెలటోనిన్ పుష్కలంగా ఉంటుంది. ఇది నిద్రను ప్రోత్సహించే హార్మోన్. అందువల్ల, ఈ పండు లేదా దాని రసం తాగడం వల్ల రాత్రి బాగా నిద్రపడుతుంది.

గుమ్మడికాయ గింజలు:

గుమ్మడికాయ గింజల్లోని ట్రిప్టోఫాన్, మెగ్నీషియం, జింక్ మెలటోనిన్ ఉత్పత్తిని పెంచడంలో సహాయపడతాయి. ఇవి మంచి నిద్రను ప్రోత్సహిస్తాయి.

అరటిపండు:

అరటిపండ్లు రాత్రిపూట తినడం వల్ల కూడా బాగా నిద్ర పడుతుంది.ఎందుకంటే దీంట్లో మెగ్నీషియం, పొటాషియం వంటి పోషకాలు పుష్కలంగా ఉంటాయి. ఇవి కండరాలు విశ్రాంతి తీసుకోవడానికి కూడా సహాయపడుతాయి.

వేడి పాలు త్రాగండి:

పాలలో ట్రిప్టోఫాన్, మెలటోనిన్ ఉంటాయి. ఇవి నిద్రను మెరుగుపరచడంలో సహాయపడతాయి. కాబట్టి, ప్రతి రాత్రి పడుకునే ముందు ఒక గ్లాసు వేడి పాలు తాగాలి.